Accessibility links

Breaking News

Siklis Ameriken Floyd Landis Ale an Apèl


Cyclisme

Siklis ameriken Floyd Landis ki an disgras pou yon zafè dopaj, ale an apèl devan Tribunal Arbitraj Spòtif la an Swis nan yon tantativ pou l reprann tit Kous Bisiklèt Tour de Frans la edisyon 2006 la ke li pèdu apre li te teste pozitif pou steroyid. Nan petisyon an Landis di li rekonèt efò responsab yo ap fè pou idantifye atlèt kap konsome dròg nan spò men li di desizyon pou retire tit konpetisyon nan menm pabon akoz tès ki te fèt nan epòk la pat byen fèt.

Football

Brezil ap akeyi Urugwe nan Sao Paolo. Paragwe pral lakay Chili pandan ke Ekwatè ap akeyi Pewou nan Kito nan kad match kalifikatif koup du mond Afrik du Sud pou zòn Amerik du Sud la.

Yè swa Venezuela woule Kolonbi 5 a 3 pou mete l ak 6 pwen pou 4 match. Supriz Kolonbi kale Arjantin 2 a 1. An atandan rezulta rankont jodi a men klasman pwovizwa a Arjantin, Kolonbi, Paragwe ak Venezuela, Brezil.

Sou kontinan Eropeyen an latè te tranble nan kad dènye jounen eliminatwa Ero 2008 la. 9 peyi ap batay dèyè 4 dènye plas ki disponib pou faz final la. Angletè, Potugal, la Swèd, Turki, Irland du Nò figure pami favori yo.

Litunani byen fini gras ak yon swif 2 a 0 yo pase Jòrji pou fini konpetisyon an ak 16 pwen. Woumani, ki deja kalifye, pilon-nen Albani 6 a 1. Portugal bezwen yon pwen sèlman lè lap rankontre Findland adomisil si l vle kalifye nan group A a. Findland kapab kalifye si l kale Portugal ak posibilite pou Sèbi ta pèdu 2 pwochen rankont li yo. Si Potugal ta pèdu--Sèbi kapab kalifye si l ranpòte 2 pwochen rankont yo. Angletè, kap akeyi Kwasi nan stad Wemble a, bezwen yon match nul sèlman. Si yo pèdu la Rusi dwe kale Andor pou l kalifye. Angletè pap gen sèvis Wayne Rooney ak Michael Owens La Swèd bezwen yon nul a domisil kont Letoni pou l kalifye nan group F la-menm ak yon defèt yo ta kapab kalifye si Irland du Nò kale Espay ki deja gen tikè l. Turk yo dwe kale Bosni Herzegovin pou fini devan devan Norvèj kap rankontre Malt. Sepandan peyi kap kalifye ap priye pou tiraj osò a evite yo tonbe nan yon group de lamò. Peyi ki deja gen tikè pou faz final la se Almay, Polòy, Itali, la Frans, la Grès, Republik Tchèk, Kwasi , Espay, Woumani, la Oland ak peyi ö̀òganizatè yo--Swis ak Otrich.

An match amikal entènasyonal Kanada tonbe devan Afrik du Sud nan kad yon match chofe jarèt ki jwe ant 2 seleksyon yo. La Swis tonbe devan Nijerya 1 a 0.

La polis libere san oken akuzasyon responsab football federasyon Kwasi a ki ta volè nan yon boutik an dedan ayeropò vil Lond la nan moman seleksyon an ap pare pou rankontre Angletè.

Federasyon Football Angle a anplwaye ansyen direktè Komunikasyon FIFA Markus Siegler ak konseye prezidan FIFA Sepp Blatter Peter Hargitay kòm konsultan pou ede kandidatu Angletè pou koup du mond 2018 la. Msye Hargitay, ki te pran nesans nan Hongri, ap mete fen nan travay ak msye Blatter mwa pwochen an pou evite konfli enterè. La Oland ak la Bèljik deja manifeste entansyon yo pou yon kandidatu tèt ansanm. Ostrali, la Rusi, la Chin, Etazuni ak Meksik manifeste entansyon yo tou.

Nouvèl ki soti nan Sengapour fè konnen Ostrali ak Japon kalifye pou faz final Je Zolenpik Peken 2008 yo apre match nul kont Kore du Nò ak Arabi Sawoudit.

Preparatif Afrik du Sud ap fè pou koup du mond 2010 la rale yon bak jodi a apre travayè antre an grèv nan youn pami stad ki an konstruksyon yo. Travayè yo mande yon ogmantasyon salè donk menm tretman ak travayè ki nan sektè konstruksyon.

Federasyon Football Kenya a bezwen 1 milyon edmi nan men gouvènman an pou ede prepare seleksyon nasyonal la. Responsab la di asistans finansye FIFA bay peyi manb yo dedye sèlman pou pwogram devlopman football.

Dopaj

Yon reponsab wo plase lig spòtif pwofesyonèl ameriken esprime espwa l yon jou Etazuni ap adopte mezu Ajans Anti Dopaj Mondyal la mete sou pye pou detekte atlèt kap fè magouy. Responsab la di lig ameriken yo poko pare pou mete an aplikasyon mezu yo akoz yo twò sevè epi twò spesifik.

Basketball

Dallas Marvericks remonte yon defisi 24 pwen pou l kale Toronto Raptors 105 a 99 gras ak 32 pwen alman Dick Nowitzki make. Carmelo Anthony make 26 pwen pou ede Denver Nuggets tronse Chikago Bulls 112 a 91. Los Anjeles Lakers wouze Indiana Pacers 134 a 114 pou l ranpòte 4 trièm viktwa afile l. Kobe Bryant make 32 pwen nan piyay la. Milkwaukee Bucks te fè anpil efò avan li kale Cleveland Cavaliers 111 a 107. Washington Wizards woule Philadelphia 76ers 116 a 101.

XS
SM
MD
LG