Accessibility links

Breaking News

Almay Kalifye pou Final Koup du Mond la


Football

La Novèj tonbe devan Almay 3 a 0 nan yon rankont football fanm pa kanpe. Rezilta a pa reflete match la se sèlman Nòvejyen yo rate opòtunite yo te genyen juskaske yo sukonbe nan fen 2 zièm mitan an. Almay ki se chanpyon sòtan an ap patisipe nan yon final pou yon 2 zièm ane afile. Alman yo ap rankontre an final venkè lòt semi final la kap dewoule an Etazuni ak Brezil demen Jedi a.

24 trè avan Etazuni rankontre la Chin nan semi final koup du mond football feminen an antrenè Greg Ryan nonmen gadyen veteran Briana Curry nan plas Hope Solo, yon desizyon ki suprann obsèvatè spòtif yo.

Pawòl kontinye sou posibilite pou brezilyen Ronaldinho kite Barselòn pou l al jwe nan Chelsea. Nouvèl yo fè konnen sanble Chelsea ta dispoze peye plis pase 90 milyon dola pou transfè a.

Football Responsab klub football angle Chelsea sanble ap chache yon antrenè pou klub la. Nouvèl yo fè konnen Olandè Marco Van Basten figure nan tèt lis la. Van Basten te asiste defèt 2 a 0 klub sot subi devan Manchester United nan chanpyona premyè divizyon Angle a.

Je Zolenpik

Gouvènman Chinwa a ap chache adousi echèk yo pran apre otorite Taiwanè yo anpeche tòch Olenpik la travèse teritwa yo. Yon pòt pawòl komite òganizatè chinwa a fè konnen yap akeyi ak bra louvri patisipasyon Taiwan nan aktivite kulturèl yo.

Cyclisme

Siklis Alman Hanka Kupfernagel ak siklis Olandè Lars Boom ranpòte meday dò nan debu chanpyona du mond siklis kap dewoule nan Stutgart an Almay. Ameriken Kristin Armstrong fini 2 zièm.

Tennis

Espayòl Anabel Medina Garrigues kalifye pou 2 zièm tounwa tenis feminen entènasyonal la kap dewoule Gwangzhou an chin apre li kale chinwa Sun Shengnan 7-6, 6-1

Alman Benjamin Becker supran espayòl Carlos Moya 7-6, 6-4 nan tounwa tenis OPen Bankòk la. Ameriken Andy Roddick ap antre nan batay jodi a.

Franse Marion Bartoli te bezwen 2 manch pou l kale Ukrenyen Alona Bondarenko 6-3, 6-2 nan tounwa tenis Luxembourg la. Bartoli pral rankontre Otrichyen Sybille Bammer nan 2 zièm tou a apre li elimine konpatriòt li Tamira Paszek 6-0, 6-2.

XS
SM
MD
LG