Accessibility links

Siklis Ameriken Floyd Landis Pèdu Tit Tour de Frans 2006 la


Cyclisme

Unyon Siklis entènasyonal la deklare siklis espayòl Oscar Perreiro chapyon ofisyèl kous bisiklèt Tour de Frans edisyon 2006, men msye dwe tann pou konnen si wi ou non ameriken Floyd Landis pa prale an apèl ak desizyon komite abitraj anti doping ameriken pran pou rekonèt Landis te konsome dròg sentetik pou ogmante nivo testosteron ni. Otorite yo ap sispann Landis pou 2 zan a pati de 30 Septanb 2007. Landis, ki di li inosan, te remonte yon defisi 8 minit nan 17 tièm etap pou l ranpòte konpetisyon an devan Espayòl la.

Se premye fwa depi plis pase 100 tan istwa konpetisyon an yon siklis pèdu kouròn nan nan yon eskandal dopaj. Eskandal dopaj te afekte edisyon 2007 la.

Siklis espayòl Samuel Sanchez ranpòte 19 vièm etap kous bisiklèt Tour dEspay la pandan ke Rus Denis Menchov ogmante pozisyonn nan klasman jeneral la ak 3 minit.

Olympics

Responsab yo nan Taiwan anonse tòch relè olenpik la pat travèse peyi a ankò apre negosyasyon ak la Chin echwe nan respekte delè a. 2 pati yo pat rive antann yo apre plis pase yon mwa negosyasyon. Jodi a 21 Septanb nan se te dat komite Olenpik Entènasyonal la te fikse pou 2 pati yo te rezoud kesyon ki divize yo. Prezidan Komite Olenpik Chinwa a Tsai Chen-wei di gouvènman Peken an ajoute 4 nouvo kondisyon. Msye di Taiwan pa kapab aksepte ekzijans Peken fè pou yo pa mete senbòl nasyonal Peken sou parkou tòch olenpik la. Komite òganizatè Peken an eksprime regrè tòch olenpik la pat travèse teritwa Taiwan nan.

Tennis

Nan semi-final Koup Davis-la , Anddy Roddick ofri premye pwen bay Etazuni kont La Suèd. Roddick kale Joakim Joahansoon an 3 sèt : 7-5, 7-6, 6-3. Nan lòt demi-final-la , La Rusi a egalite 1 a 1 ak Almay apre viktwa Tommy Haas sou Andreev an 3 sèt idantik : 6-2, 6-2, 6-2. epi Philipp Khoslchreiber egalize pou Alman yo apre viktwa sou Nikolay Davidenko 6-7, 6-2, 6-2, 4-6 ak 7-5. Match doub yo fikse pou demen Samdi a epi match senp ranvèse a ap jwe Dimanch. 2 venkè semi final pral kwaze rakèt nan final-la fikse pou 30 Novanm.

Match de baraj koup Davis pou detèmine ekip kap rete nan group mondyal la pi enpòtan ke semi final kap jwe pandan tout wikenn-nan . Rezon an sè ke Swis Roger Federer, numewo 1 mondyal la, ap reprezante la Swis fas a Republik Tchèk nan seri 5 rankont ant 2 ekip yo. Sèb Novak Djokovic, finalis US Open nan, ap reprezante Sèbi fas a Ostrali ki ranpòte koup DAvis la 28 fwa. Nan yon lòt rankont de baraj mwen enpòtan, Izrayel ap rankontre Chili--2 ekip yo a egalite 1 a 1 apre rankont yè Jedi a.

Nou pral ann Chinn pou tounwa tenis feminen kap dewoule nan vil Peken-an . Apre suisès Martina Hengis, chinwaz Shuai Peng fè yon lòt eksplwa kote-l elimine fransèz Amelie Mauresmo an kar de final an 3 sèt : 4-6, 6-4, 6-2. Match-la te dure 2 zè 15 minut e fransèz la pat kapab kenbe konpa . Tablo demifi-final-yo : Sèb Jelena Jankovitch kont Lindsay Davenport ki elimine Elena Dementieva ; chinwaz Shuai Peng kont ongwaz Agnes Tsavay

Football

Nan rete kay medam-yo pounn pale boul o feminen : Nan kar de final mondyal feminen-an an kap kòmanse Samdi Almay ap rankontre Kore du Nò epi Etazuni kont Angletè. Dimanch Nòvèj kont la Chin epi Brezil kont Ostrali.

Klub football Alman Bayern de Munick ki te elimine nan Lig dè chanpyon Eropeyen an ane sa a, byen demare koup UEFA a gras ak yon viktwa 1 a 0 li ranpòte devan klub Pòtugè Belenese. Klub Italyen Fiorentina ki retounen nan koup UEFA a apre 6 zan absans, fè match nul 1 a 1 ak klub Olandè Gronigen. Ajax Amsterda m kale Dinamo de Zagreb 1 a 0. Se kèk pami 40 rankont ki te dewoule yè Jedi a nan match ale a. Match retou a ap jwe nan 2 semen.

XS
SM
MD
LG