Accessibility links

Final Koup du Mond Kadè a Fikse pou Dimanch


Football

Demen samdi 8 septanm-nan zyeu fanatik boul-yo pral fikse sou stad San Siro-a nan Milan kote Itali ap akeyi onze fransè nan kad eliminatwa pou Koup Dewòp Dès nasyon 2008-la nan Gwoup B-a . nan menm gwoup sa-a Ekòs ap akeyi Lituani . Nan okazyon-an, seleksyonè fransè-a pap kapab chita sou ban touch-la akoz suspansyon UEFA-a .

Balon ap woule sou lòt teren tou pou eliminatwa sa-yo : Nap siyale Pòtugal-Poloy nan gwoup A-a ; Nan gwoup D-a, Almay ap jwe kont Peyi de Gal ;

Epi , Arsènen Wenger mete fen nan tout rumè kap sikule-yo . Li renouvle kontral ak Arsenal jodi vandredi-a ...yon kontra kap fini an 2011. Wenger pral touche 110 mil euwo ki se 2e pi gwo salè pou yon antrenè.

Balon pral woule tou sou kontinan Azyatik la patikilyèman an Kore du Sud pou dènye jounen koup du mond kadè a . Nan match pou 3 zièm plas la Gana ap rankontre ak Almay. Nijerya ap rankontre an final ak Espay pou detèmine chanpyon pou edisyon sa a. Match sa yo ap jwe Dimanch 9 Septanb.

Nan lòt nouvèl seleksyon nasyonal Olenpik Ayisyen an ap pran avyon demen Samdi a pou l ale nan Sen Kitts and Navis kote li pral patisipe nan triyangulè nan kad eliminatwa Je zolenpik Peken 2008 yo. Ayiti ap rankontre Republik Dominikè n le 11 Septanb avan li rankontre ak seleksyon lokal la le 13 Septanb. Ekip ki ranpòte triyangulè a ap kalifye pou 2 zièm tou eliminatwa Je zolenpik Peken 2008 yo.

Nan okazyon kou danvwa chanpyona football zèpòl kare ameriken an yè swa Indianapolis Colts, chanpyon antit-la van-nen New Orleans Saints 41 a 10

Tennis

Nou genyen yon wikenn fleri kap tann-nou nan aktualite spòtiv-la : Dabò nan Us Open-nan : Sèb Nivak Djokovic kalifye pou semi final tounwa-a gras ak yon viktwa an 3 sèt sou espayòl Carlos Moya 6-4, 7-6, 6-1 . Djokovitch ap rankontre ak David Ferrer ki-li menm te elimine Arjanten Juan Ignacio Chela an 3 sèt : 6-2, 6-3, 7-5. Lòt semi final la ap mete bab pou bab Swis Roger Federer kont Rus Nikolay Davydenko.

Bò kote meda m yo Belj Justine Henin ap rankontre ak Venus Williams epi Rus Svetlana Kuznetsova pral mate balon fas a konpatriòt li Anna Chakvetadze. Final medam-yo se pou demen samdi-a.

Olympics

Prezidan Bush aksepte envitasyon prezidan Chinwa a Hu Jintao fè l pou l vinn asiste seremoni douvètu je zolenpik Peken yo an 2008--yon konpetisyon kritik yo mande peyi patisipan yo pou boycote akoz dosye dwazumen la Chin ki pa kòdiòm.

XS
SM
MD
LG