Accessibility links

Ekip Bisiklèt Discovery a Anonse Disparisyonn


Ciclisme

Ekip siklis ki sot ranpòte 9 dènye etap kous bisiklèt Tour de Frans la juska la viktwa ap demantibile nan fen sezon an akoz yo pa jwen yo koorporasyon pou patwone yo. Ekip bisiklèt Discovery a ke Lance Armstrong te manb anonse nouvèl la jodi a. Sèvis Postal Ameriken te patwone ekip la avan Discovery Channel te pran la relèv. Johans Bruyneel, ki te antrene Amstrong pandan 7 viktwa afile li te ranpòte nan Tour de Frans la anons lap pran retrèt li a pati de sezon pwochen an.

Siklis Alman Roger Forster ranpòte premye etap kous bisiklèt Tour Almay la malgre gwo la pli ki tap tonbe. Siklis yo gen pou kouvri 42 kilomèt demen Samdi a apre yo kòmanse grenpe mò n Dimanch. Konpetisyon an ap dewoule apre yon seri de eskandal dopaj ki te frape kous bisiklèt Tour de Frans la. Òganizatè yo ogmante kantite tès yap fè pandan dewoulman konpetisyon an kap fini 18 Out.

Siklis Espayòl Alberto Contador ki sot ranpòte kous bisiklèt Tour de Frans la publiye yon deklarasyon jodi a pou l fè konnen li pral janm pran oken susbstans entèdi nan spò--non plis tou li pat janm mele nan oken eskandal dròg an Espay. Contador pote eklèsisman an nan moman akuzasyon fè konnen li ta konsome dròg pou l ranpòte konpetisyon an. Msye di li pa gen oken pwoblèm pou l fè tès anti dopaj.

Je Univèsitè

Najè ameriken Kaitlin Sandeno ranpòte konpetisyon natasyon 200 mèt feminen an nan okazyon Je Univèsitè yo kap dewoule nan Bangkok Tailand. Ekip najè ameriken 4 par 100 mèt la ranpòte kous la devan ekip Kanadyen. Nan Basketball University Northern Iowa ki reprezante Etazuni nan konpetisyon an kale Angola 84 a 26. Univèsite North Carolina-Chalot pèdu devan la Rusi 78 a 42

Football

Vedèt football angle David Beckham kòmanse yon nouvo karyè nan lig football ameriken an apre li jwe 20 minit nan defèt 1 a 0 Los Anjeles Galaksi subi devan DC United isit WAshington. Prèske 47 mil fanatik te asiste rankont la malgre la pli.. Beckham fè konnen li apresye fason publik la te akeyi l lè li te monte sou teren an. "Desepsyon pa bon pou fè moun ki peye anpil lajan pou asiste yon match football. Mwen kontan anpil le fè mwen te kapab monte teren an. Se te yon bòn nouvèl-move nouvèl la nou pèdu rankont la

Federasyon Football Angle a ekri yon lèt tou louvri bay viz prezidan Federasyon Football Entènasyonal la Trinidadyen Jack Warner pou l bay eksplikasyon sou deklarasyon mank-e-melanj li fè kòm kwa Angletè pa gen reputasyon pou l akeyi koup du mond FIFA a an 2018. Responsab Angle yo fè konnen rezon deklarasyon an se akoz msye Warner ta renmen zòn KONAKAKAF la akeyi konpetisyon an.

Prezidan Unyon Football Eropeyen an Michel Platini mande antrenè seleksyon franse a Raymond Domenech pou l founi prèv sou akuzasyon li fè kòm kwa yon abit ta fè magouy pou fasilite yon match nul ant seleksyon Juniò franse a an 1999 ak Itali.. Platini fè konnen si msye Domenech pa kapab founi prèv eh byen li kapab fè fas ak sanksyon

Tennis

Rus Maria Sharapova kale anba redu Olandè Michaella Krajicek 7-6, 6-7 and 6-4 pou l kalifye nan kar de final tounwa tenis feminen East West Bank Classic la kap dewoule nan Carson Kalifòni.. Sèb Jelena Jankovic pat rankontre oken difikilte pou l kale Otrichyen Sybille Bammer 6-2, 6-1.

Tout 4 tèt de seri kalifye nan kar de final tounwa tenis Montreal la. Swis Roger Federer, Espayòl Rafael Nadal, Rus Nikolay Davidenko ak Tchèk Radek Stepanek jwen tikè yo pou pwochen tou a.

XS
SM
MD
LG