Accessibility links

Ayiti Kilbite nan Koup Dò KONKAKAF la


Football

Ayiti trebuche nan koup dò KONKAKAF la apre yo fè match nul 1 a 1 ak Gwadeloup nan kad premye tou konpetisyon an nan Miami. Ayiti make gòl li a depi nan premye mitan an sou yon penalite men Gwadeloupeyen ayo ki pa manb FIFA akoz yo se yon koloni Franse, egalize nan 2 zièm mitan an. Si bagay la poko klè pou Ayiti Kanada li menm franchi yon pa nan konpetisyon an apre li woule Kosta Rika 2 a 1. Pwochen rankont nan group A a pap fasil pou Ayiti kap gen pou rankontre Kosta Rika epi Gwadeloupeyen yo pral rankontre ak Kanada. Konpetisyon an ap rapousib jodi a nan Los Anjeles nan group B a kote Etazuni ap rankontre Gwatemala epi Salvador pral woule balon fas a Trinidad and Tobago.

Angle David Beckham fè 2 pas desizif nan viktwa 3 a 0 Angletè ranpòte devan Letoni nan kad match kalifikatif koup dErop 2008 la--viktwa ki konsève espwa pou Angle yo menm lè yo toujou klase 4 trièm nan group E a. Itali ak la Frans ranpòte la viktwa tou. Norvèj danse sou Ongri 4 a 0. Almay konsole l ak yon viktwa 2 a 1 kont Slovaki e kontinye ap domine group D a ak 19 pwen swa 5 pwen davans devan Republik Tchèk. La Polòy nan pwoblèm apre yo tonbe 1 a 0devan Armeni.

Medya Rus yo anonse Milan AC ap patisipe nan yon kwadrangulè football nan vil Moskou ak patisipasyon klub Olandè PSV Eindhoven, Real Madrid ak Lokomotiv de Moskou.

Klub espayòl Real Zaragoza siyen yon kontra ak mitan teren Arjanten Andres D’Alessandro defansè Urugweyen Carlos Diogo. 2 footbalè yo tap jwe nan klub la pwovizwaman.

Seleksyon nasyonal Juniò Kanada a danse sou Etazuni ak yon swif 4 a 0 nan kad yon match preparatif avan dewoulman chanpyona du mond ki gen pou dewoule nan pandan sezon ete a.

David Beckham poko konnen si li kapab jwe pou Real Madrid pandan weekend nan apre li pran yon zòbòy nan match kalifikatif Angletè kont Estoni yè Mèkredi a. Real Madrid ap rankontre Real Zaragòs.

Peyi Anden yo( Bolivi. Perou, Ekwatè ak Kolonbi) mande entèvansyon footbalè lejandè brezilyen Pele pou kore efò yap fè pou anpeche FIFA entèdi match football entènasyonal dewoule nan altitud ki pa depase 8 mil 200 pye

Basketball

Orlando Majik siyen yon kontra ak Stan Van Gundy kòm nouvo antrenè ekip la apre tantativ pou l te siyen yon kontra ak antrenè univèsite Florid la Billy Donova echwe. Van Gundy pase 2 zan nan tèt Miami Heat avan li renmèt demisyon ane pase menm lè toujou rete kòm konseye ekip Miami a.

Yon total 7 jwè entènasyonal ap patisipe nan seri 7 match final NBA a ki pral detèmine chanpyon sezon 2007 la. Franse Tony Parker, Arjanten Manu Ginobili ak Tim Dunca ki soti nan Il Vyèj Ameriken yo pral ede San Antonio Spurs kont Cleveland Cavaliers jodi a nan San Antonio Tekzas. Match la ap retransmèt nan 205 peyi an 46 lang.

Tennis

Belj Justine Henin kalifye pou final tounwa tenis Roland Garos la apre li elimine Sèb Jelena Jankovic 6-2, 6-2 pou l al rankontre Sèb An Ivanovic ki elimine Rus Maria Sharapova 6-2, 6-1. Final la fikse pou Samdi. Se premye final tenis gran Shelem Sèb la ki ten 19 van ap patisipe.

Semi final mesye yo ap demare demen Vandredi a ant Swis Roger Federer kont Rus Nikolay Davidenko epi Espayòl Rafael Nadal kont Sèb Novak Djokovic.

Cyclisme

La polis Bèlj ap entèroje yon douzèn moun pou pipiti apre yo sezi dròg entèdi lakay yon seri de siklis ak asosye yo nan peyi a

XS
SM
MD
LG