Accessibility links

Breaking News

Etazuni Pare pou l Defann Tit KONKAKAF la


Football

Antrenè seleksyon nasyonal ameriken an Bob Bradley konvoke 23 jwè ki pral defann tit koup dò KONKAKAF Etazuni te ranpòte. Pi jè n jwè a gen 19 van epi jwè ki pi aje a se gadyen an Kesey Keller 37 tan. 12 pami seleksyone yo ap evolye nan Lig Football balonwon ameriken an epi 11 lòt yo ap jwe an Eròp. Gen 12 peyi nan rejyon an kap patisipe nan tounwa a.

Group A a gen Kanada, Kosta Rika, Gwadeloup ak Ayiti. Group B a nou jwen Etazuni, Trinidad and Tobago, Gwatemala ak El Salvador Group C a gen landan Cuba, Honduras, Meksik ak Panama. 2 premye nan chak group yo ak 2 meyè 3 zièm yo ap kalifye pou faz dechoukaj la.

Ayiti ap patisipe nan yon kwadrangulè football nan Trinidad and Tobago ak patisipasyon Meksik, Kuba ki ranplase Salvador epi peyi dakèy la Trinidad.

Federasyon football Togolè a leve sanksyon li te adopte kont atakan Emmanuel Adebayor ak 2 lòt jwè pou move konpòtman apre yo te reklame lajan federasyon an te dwe yo pou koup du mond Almay 2006 la. Se sou presyon fanatik yo ke federasyon an pran desizyon an. Federasyon an di 3 footballè yo ekzije 60, 800 dola an plis lajan yo deja resevwa. Responsab yo di yo pa gen lajan ankò pou peye refraktè yo.

An Espay chanpyona espayòl la vinn pi enteran akoz duèl ki genyen ant Real Madrid ak Barselòn pou tit la. Real Madrid ap akeyi Deportivo la Coròy epi Barselòn ap rankontre Getafe. Valencia, ki gen 4 pwen dèyè 2 ekip yo, ap rankontre Villa Real. Seville, ki an 3 zièm pozisyon, ap rankontre Real Zaragòs.

Responsab federasyon football Malezi a mande Konfederasyon Football Azyatik la pou l satisfè dezi Premye Minis peyi a genyen pou Manchester United jwe yon rankont amikal nan peyi a. Manchester United anule rankont li te dwe jwe nan peyi a 27 Juyè nan kad toune yap fè sou kontinan an apre responsab evoke konfli enterè. Toune a ap fèt nan menm moman Koup peyi Azyatik yo ap dewoule.

Antrenè seleksyon Olandè a Marco van Basten eksprime kontantmann fas ak posibilite pou atakan Real Madrid la Ruud van Nistelrooy ta disponib pou seleksyon an. Nistelrooy pat reponn konvokasyon pou l te patisipe nan seleksyon an apre koup du mond Almay 2006 la. Nistelrooy pa fè pati jwè ki pral patisipe nan match amikal la Oland gen pou jwe kont Kore du Sud ak Tailand mwa pwochen an.

Ansyen kapitèn seleksyon Angle a David Beckham kapab seleksyone pou fè pati seleksyon ki pral rankontre Brezil Vandredi pwochen nan stad Wemble a e menm match kalifikatif Ero 2008 la. Beckham pa jwe nan seleksyon an depi koup du mond Almay 2006 la apre yo te elimine fas a Pòtugal. Jounal Britanik yo di antrenè McLaren vle bay Beckham yon dènye chans pou l reprezante Angletè avan li vinn jwe nan Los Anjeles Galaksi isit Ozetazuni.

An Frans antrenè Olenpik de Lyon an Gerard Houllier anonse demisyon nan tèt klub la apre li finn ede yo ranpòte chanpyona premyè divizyon an an 2006 e 2007.

TennisArjantin kalifye pou final tounwa tenis pa ekip kap dewoule nan Dusseldorf apre yo kale Chili 3 a 0.

Franse Gael Monfils kalifye pou final tounwa tenis Hypo group entènasyonal la an kap dewoule an Otruch / Monfils te bezwen 2 manch pou l elimine Ostralyen Lleyton Hewitt 6-4, 7-5. Tounwa sa a konsidere kòm yon tounwa chofe jarèt avan tounwa Roland Garos la kap kòmanse Dimanch nan vil Pari.

Atletisme

Chanpyon du mond Triathlon Britanik Tim Don kapab patisipe nan je zolenpik Peken 2008 yo apre yon tribunal dapèl ekzonere akuzasyon dopaj ki tap peze sou do l. Rezon suspansyon an se akoz Don te rate 3 tès an deyò konpetisyon nan yon espas de 18 mwa.

XS
SM
MD
LG