Accessibility links

Breaking News

La Polis Swedwa Pare pou Machann Dezagreman yo


Football

Final Lig chanpyon-an demen mèkredi-a nan Vil Atèn an Grès ant Milan Ac ak Liverpool pwovoke anpil kòmantè surtou 2 ekip sa-yo te rankontre an final sa gen 2 zan..lè sa-a Liverpool te chanpyon. Entènasyonal brezilyen-an kap jwe nan Milan Ac di li pa ka tann pou-l wè-l sou teren-an epi pou leve-koup-la anlè demen mèkredi-a nan vil Atèn. Revanch Milan A.C. ou byen Konfimasyon Liverpool.... rande-vou demen! Nouvèl ki sot ann Itali fè konnen unkrenyen Andreyi Chevchenko ap prezan nan final-la. Se Silvyo Berlusconi ki envite pèsonèlman ansyen milanè-a. Gen moun ki kwè se yon siy ki montre gen anpil chans pou Chevchenko tounen nan Milan. Gen menm yon kesyon de yon òf 12 Milyon dola kap pale.

Grèv anplwaye Alitalia ansanm ak anplaye trafik ayeryen yo an Itali jodi Madi a anpeche plizyè milye fanatik Milan AC pran avyon pou al asiste final ant Milan AC ak Liverpool nan vil Atè n. Grèv 2 sektè afekte 400 vòl konpayi a. Responsab avyasyon sivil peyi di yap travay ak grevis yo pou jwen yon solisyon an favè fanatik yo. Responsab yo di yo voye yon lis vòl Alitalia ant Itali ak Atè n ki kapab fè pati plan durjans ki an plas pandan grèv la. Klub Milan AC rive nan Atèn depi yè Lendi a. Pou yon 3 zièm fwa vil Atèn an Grès ap akeyi final lig dè chanpyon Eropeyen an apre 1983 e 1994. Fwa sa a Milan AC ap rankontre ak Liverpool Mèkredi 23 Me. Milanè yo pral chache ranpòte trofe a pou yon 8 tièm fwa sou yon total 11 final. Liverpool, ki ranpòte trofe a 5 fwa, te pèdu devan Milan A C an 1985.

Abit Alman Herbert Fandell pral dirije rankont la dapre enfòmasyon ki soti nan Unyon Football Eropeyen an.

La polis anonse yo pral tire boulèt penture sou machann dezagreman kap fè dezòd pandan final Lig dè Chanpyon Eropeyen an. Fòs de lòd fè konnen boulèt penture yo ki fè mal anpil ap pèmèt yo idantifye epi arete machann dezagreman kap eseye chape pou l yo. Otorite yo espere 50 mil fanatik Tifozi Italyen ak hoolingans Angle kapab vinn asiste 52 zièm edisyon final la.

Responsab Football Ostrali yo konvoke yon lis 23 jwè nan kad preparasyon pou rankontre seleksyon nasyonal Urugwe a 2 Jwen nan vil Sidne. Anpil vedèt enpòtan seleksyon Ostralyen an, kap evolye an Eròp, pa figure nan lis la. Se dènye match chofe jarèt Ostralyen yo ap jwe avan yal patisipe nan koup Azyatik la an Juyè pwochen. Urugwe ap sèvi ak rankont la kòm yon tès avan yal patisipe nan Kopa Amerika a O Venezuela.

Pandan nou ann Ewòp-la, Unyon Foutbòl Ewopeyen-an fè konnen li fenk ajoute yon vèsyon chinwaz pou Sid Web li-a. Chinwa vinn tounen 10e lang apre Anglè, Fransè, Alman, espayòl, Italyen, Pòtugè, Rus ak Koreyen. Ki donk fanatik boul-yo nan peyi Lachinn ka konsulte kont bon jan enfòmasyon sou sit UEFA-a .

Isit Ozetazuni, Ouvètu nouvo stad ekip New York Red Bulls la ranvwaye pou rezon teknik juskan Septanb 2008 swa 2 mwa ak premye dat kont stad la kap koute 140 milyon dola. Yon lòt delè ap fòse klub la pase sezon 2008 la nan Giant Stadium nan. Stad la ki gen yon kapasite 25 mil plas ap gen tout syèj yo kouvri.

Basketball

Yè swa, Detroit Pistons te fè anpil efò avan li kale Cleveland Cavaliers 79 a 76 nan kad premye nan seri 7 match final konferans de Lès la. Richard Hamilton make 27 pwen epi fè 7 pas ki make pwen pandan ke Rasheed Walace ajoute 15 pwen pou Pistons domine seri-a 1-0 . 2 ekip yo ap rankontre Jedi. Aswè a Utah pral lakay San Antonio Spurs nan kad 2 zièm rankont semi final la konferans de Lwès la kote San Antonio ap men-nen 1 a 0.

Tennis

Kèk nouvèl ki tonbe sou entènasyono de Frans-la: Almand Tommy Haas pap patisipe nan tounwa paske li poko finn retabli ak pwoblèm nan zepòl li-a. *Ekosè Andy Murray deklare ofisyèlman fòfè tou apre chòk li te pran nan seri dè mèt Hambourg-la. Dènye egzamen li fè yo konfime ke se yon gwo risk si-l ta eseye kanmenm ale an Frans. Avèk 2 fòfè sa-yo , fransè Julien Benneteau monte tèt de seri.

Chinwa Li Na kalifye pou 2 zièm tou tounwa tenis Strasbourg la apre li kale Slovè n Masa Zec Peskiric 6-3, 6-2.

Chili kale Etazuni 2 a 1 nan kad tounwa tenis par ekip kap jwe nan Dusseldorf an Almay. Nan lòt match Espay tonbe devan Republik Tchèk sou menm skò a. Tounwa a ki gen 8 peyi kap patisipe landan divize 2 group de 4. venkè chak group yo ap rankontre an final Samdi. Group wouj la gen ladann Arjantin, Swèd, Chili ak Etazuni epi group ble a gen Beljik, republik Tchèk, Almay ak Espay

Cyclisme

Nan kous bisiklèt/Tour d’Itali : italyen Leonardo Piepoli, bon grenpeur ranpòte 10e etap Tour-la. Konpatriyòt-li Andrea Noe pran mayo woz-la.

XS
SM
MD
LG