Accessibility links

Breaking News

Liverpool Kalifye pou Final Lig Chanpyon an


Football

Anpil desepsyon mele ak yon gouanmè kay dirijan , jwè ak fanatik Tchelsi-yo apre eliminasyon klub-la nan demi-final Lig chanpyon Eropeyen . Liverpool kale Chelsea sou tir de penalite 4 a 1 pou l kalifye pou final la. Match-la te fini 1-0 apre tan reglemantè-a ,menm jan ak match ale-a . Liverpool ap rankontre an final venkè lòt semi final retou a kap dewoule nan yon ti moman la-a nan San Siro ant Milan AC ak Manchester United. Nan match ale-a Manchester te ranpòte la viktwa 3-2 sou italyen-yo . Ki donk ,nou ka konprann sak pral pase jodi-a nan San Siro an Itali ki dekore , stad-la gentan preske finn plen. Final Lig Chanpyon-an ap dewoule nan vil Athèns nan peyi la Grès le 23 Me.

Basketball

Aswè Denver Nuggets pral lakay San Antonio Spurs kap domine seri a 3 viktwa kont 1 defèt. Nan lòt rankont Phoenix Suns bezwen yon viktwa lè lap akeyi Los Anjeles Lakers aswè a.

Situasyon an yon lòt fason apre rankont ki jwe yè Madi a. Toronto Raptors suprann New Jersey Nets ak yon viktwa 98 a 96 pou fòse yon 6 zièm rankont. New Jersey Nets ap domine seri a 3 viktwa kont 2 defèt. Menm situasyon an pou Dallas Marvericks ki kale Golden State Warriors 118 a 112 pou mete seri a ak 3 viktwa kont 2 defèt an favè Warriors.

Tennis

Jwè tenis Franse Paul Henri Mathieu suprann arjanten Fernando Gonzalez ak yon viktwa an 2 sèt : 6-2, 6-4 pou l kalifye pou 2 zièm tou tounwa tenis Open Estoril la nan Pòtugal. Kalifikasyon tou pou yon lòt farnsè Richard Gasquet ki kouri ak belarus Max Mirnyi an 2 sèt : 6-3, 6-3 . Bò kote medam yo franse Marion Bartoli woule Pòtugè Neuza Silva 6-2, 6-1. E nan tounwa tenis Munik-la , chypriyòt Marcos Bagdatis redi anpil an van-l elimine alman Bachinger an 3 sèt : 6-7, 6-2,6-4.

Boxe

Dimanch, Oscar de La Hoya “the Golden Boy” ap mare goumen ak Floyd May-Weather. Konba sa-a kapab tounen match bòks ki pi demande nan zafè Pay-Per-View depi 2e match Tyson Holyfield nan 1997. Pay-per-viw se yon sistèm ki mande pou peye alavans pou ka gade yon evenman spòti e autre pou ka wè-l nan televizyon

Cyclisme

Siklis Italyen Ivan Basso ap pare pou l reponn kesyon komite olympic la sou akuzasyon dopaj. Basso se youn pami 50 siklis ki enplike nan Operasyon Puerto a ane pase an Espay.

XS
SM
MD
LG