Accessibility links

Lyon Bezwen yon Viktwa pou l Ranpòte Chanpyona Franse a


Football

Klub franse Olympic de Lyon bezwen yon viktwa pou l ranpòte chanpyona premyè divizyon an pou yon 6 zièm fwa afile. Lyon kapab ranpòte trofe a demen swa akondisyon li kale Rennes. Yon viktwa ap kouri Lyonè yo chanpyon nasyonal malgre manke 6 jounen pou sezon regulye a fini.

Yon abit espayòl fè konnen li resevwa plis pase 50 apèl telefonik apre li akòde Racing Santander 2 penalite ki abouti nan defèt Real Madrid nan chanpyona Espayòl la.

Malgre vyolans kap sakaje football Italyen an, nouvèl yo ranpòte Itali favori pou òganize Koup dEròp dè nasyon an an 2012.

Jounal Frans Football fè konnen football brezilyen Ronaldinho rete jwè ki pi byen touche sou tè a. Ronaldhino resevwa anviwon 30 milyon dola pou sezon an devan David Beckham prèske 20 milyon dola. Antrenè Potugè Jose Mourinho, kap antre Chelsea resevwa plis lajan kòm antrenè swa plis pase 10 milyonn dola.

Tennis

Swis Roger Federer kalifye pou 3 zièm tou tounwa tenis dè Mè Monte Carlo a apre li kale Italyen Andreas Seppi 7-6, 7-6. Sud Koreyen Lee Hyung-taik kale Rus Michail Youzhny 6-4, 6-3.

Atletisme

Konsèy Olenpik Azyatik la selekyone vil Sud Koreyen Incheon pou akeyi 17 tièm edisyon Je Azyatik yo an 2014. Vil Gankzhou an Chin te deja seleksyone pou akeyi je an 2012.

Basketball

New Jersey Nets asure l 7 tièm plas nan konferans de Lès la apre viktwa 104 a 95 yo ranpòte devan New York Knicks. Houston Rockets ranpòte yon viktwa tou mens devan Phoenix Suns 120 a 117. Nan Miami Boston Celtics suprann Miami Heat ak yon viktwa 91 a 89. Milwaukee kale Atlanta Hawks 102 a 96. Memphis Grizzlies kale San Antonio Spurs 102 a 91. Lòt venkè yè Lendi a Utah Jazz, Denver Nuggets ak New Orleans Hornets. Aswè a Washington Wizards ap akeyi Orlando Majik. Faz final la ap kòmanse Samdi.

Cyclisme

Siklis Italyen Daniele Contrini ranpòte premye etap kous bisiklèt Tour Georgi a ki kouvri yon distans 158 kilomèt. 2 zièm etap la ap demare jodi a lè siklis yo ak kouvri 217 kilomèt. Yon total 120 siklis, ki soti nan 23 peyi, ap patisipe an konpetisyon an kap kouvri yon total mil 73 kilomèt. Kous la, ki konsidere kòm pilong Ozetazuni, ap fini Dimanch nan Atlanta Jòrji.

XS
SM
MD
LG