Accessibility links

Cuba: Yon Otorite nan Gouvènman an Di Eta Sante Fidel Castro Amelyore


Minis afè etranjè peyi Kiba a, Felipe Perez Roque, deklare prezidan Fidel Castro kòmanse ap reprann ni, li kòmanse ap grosi e l’ap patisipe nan desizyon gouvènman an ap pran yo.

Minis Roque fè deklarasyon sa a pandan yon vizit li fè nan Vyetnam vandredi a, kote lap rankontre ak otorite Vyetnamyen yo nan kad misyon lap ranpli pou chèche ranfòse relasyon ant Kiba ak Vyetnam.

Li di jounalis yo ke Msye Castro ap vinn pi dajanm chak jou. Minis Roque deklare relasyon ant 2 nasyon kominis yo ekselan e li di Kiba apiye efò Vyetnam ap fè pou l jwenn yon syèj non-pèmanan nan konsèy sekirite LONU an.

Minis afè etranjè Kiben an fini pa di li apresye le fèt ke Vyentam montre opozisyon l ak anbago komèsyal Etazini mete sou do Kiba a.

XS
SM
MD
LG