Accessibility links

Ayiti ak Onduras Kalifye pou Koup du Mond U-17 nan


Football

Ayiti ak Onduras kalifye pou faz final koup du kadè a ki pral dewoule an Kore du Sud nan mitan ane a. Ayiti kalifye apre li pase El Salvador yon rakle 3 a 0 nan Teguicigalpa. Normil Valdo, Herold Junior Charles ak Jean Francis Fabien Vorbe make gòl an favè seleksyon ayisyen an kap patisipe pou la premyè fwa nan koup du mond depi 1974-ane seleksyon seniò a te patisipe nan koup du mond FIFA a an Almay.
Nan lòt rankont la Honduras, peyi òganizatè kwadrangulè a, elimine chanpyon du mond sòtan an Meksik gras a yon match nul 0 a 0. Ayiti ak Honduras, kap patisipe pou la premyè fwa nan faz final yon koup du mond, ap tann 3 lòt venkè tounwa ki gen pou dewoule nan Jamayik soti 28 Avril juska 6 Me. Peyi sa yo se Jamayik, Kanada, Etazuni, Kosta Rika ak Trinidad and Tobago.

Ayiti fini an premyè pozisyon devan Honduras sou gòl diferans +3 menm lè 2 seleksyon yo gen 5 pwen yo chak.

Basketball

Phoenix Suns franchi yon pa pou l klase 2 zièm nan Konferans de Lwès la apre viktwa 115 a 107 yo ranpòte devan Los Anjeles Lakers. Houston Rockets te fè anpil efò pou l kale Sakramento Kings 112 a 106. Charlotte Bobcats te bezwen pwolongasyon pou l kale Miami Heat 111 a 103. Detroit Pistons ranpòte yon viktwa tou mens devan Cleveland Cavaliers 87 a 82. Toronto Raptors pilon-nen Chikago Bulls 103 a 89. Philadelphia 76ers remonte yon defisi 17 pwen pou l kale Atlanta Hawks an pwolongasyon 109 a 104.

Tennis

Almay kont chanpyon sòtan an la Rusi pandan ke la Swèt ap akeyi Etazuni nan semi final koup Davis la ki fikse pou 21 o 23 Septanb. La Swèd kalifye apre li woule Arjantin 4 a 1. Etazuni suprann Espay ak yon viktwa 4 a 1. La Rusi monte yon maswife avan li kale la Frans 3 a 2. Almay te pase yon move moman avan li kale la Beljik 3 a 2.

Franse Tatiana Golovin ranpòte premye tounwa tenis pwofesyonèl nan karyèl apre li tronse Rus Nadia Petrova 6-2, 6-1.

Olympics 2016

Prezidan Azerbaijan Ilham Aliev anonse entansyon pou vil Bakou kandida pou òganize je zolempik yo an 2016. Vil Kandida yo gen juska 15 Septanb pou soumèt yon lèt dentansyon bay Komite Olempik Entènasyonal la kap selekyone vil la an 2009.

XS
SM
MD
LG