Accessibility links

Kar de Final Koup Davis la Fikse pou Demen


Tennis

Etazuni ap rankontre ak Espay pandan ke chanpyon an tit la la Rusi ap jwe kont la Frans nan kar de final group mondyal Coup Davis la. Nan lòt rankont la Bèljik pral jwe kont Almay pou la premyè fwa depi 15 zan. la Swèd ap rankontre ak finalis 2006 la Arjantin. Venkè yo ap kalifye pou semi final la kap jwe an Septanb. Final la ap jwe an Novanm.

Ameriken Venus Williams, ki pa tèt de seri, kale Swis Patty Schnyder 3-6, 6-3, 6-4 pou l kalifye pou 3 zièm tou tounwa tenis Zile Amelya yo an Florid. Venus Williams pral rankontre ak ameriken Meilen Tu ki elimine Alman Martina Muller 6-3, 6-1.

Basketball

Charlotte Bobcats kale Washington Wizards pou yon 2 zièm fwa afile apre viktwa 108 a 100 yo ranpòte yè swa. Lòt ekip ki ranpòte la viktwa yo se New Jersey Nets, Toronto Raptors, Chikago Bulls, Philadelphia 76ers, Milwaukee Bucks, New Orleans Hornets, Golden State Warriors, Portland Trail Blazers, Denver Nuggets ak Los Anjeles Clippers ki kale Lakers yo 90 a 82.

Football

Balon te woule yè Mèkredi an sou kontinan Eropeyen an kote AS Wòm suprann Manchester United ak yon viktwa 2 a 1 epi Valencia fè match nul 1 a 1 ak Chelsea nan kad match kar de final ale lig dè chanpyon Eropeyen an. Match retou an fikse pou 10 Avril. Venkè yo ap kalifye pou semi final la ki fikse pou 24 e 25 Avril.Final la ap jwe nan vil Athèn an Grès le 23 Me.

Responsab Manchester United akuze la polis ke li reyaji twò vit apre yo woule ak kout baton fanatik klub la padan yon lese frape ki dewoule avant rankont la. 13 fanatik Mancheter United resevwa swen nan yon lopital ak yon lòt ki blese ak yon kout kouto nan kou. Responsab yo di polisye Italyen yo te woule tout moun ki te sou wout yo ak kout baton ke yo te mele ou pa nan deblozaj la. Responsab yo mande pou viktim yo fè depozisyon pou ede nan ankèt kap men-nen sou ensidan an.

Unyon Football Eropeyen an louvri yon ankèt sou ensidan an. Nan yon nòt responsab publiye li di pou kounye a lap kolekte prèv pou l analize ak rapò abit la, fòs sekurite yo ak delege match la avan li pran yon desizyon.

An Chin klub 2 zièm divizyon chinwa Harbin Yiteng revoke antrenè a ak 7 lòt jwè nan sa ki sanble magouy yo fè pou pèdu yon rankont 6 a 0 weekend pase a. La Chin ap jwe 3 match Ozetazuni nan kad preparatif yap fè pou faz final koup Azyatik la. Seleksyon chinwa a ap kòmanse antrene soti 31 Me pou rive 11 Jwen avan li rankontre ak seleksyon nasyonal ameriken an, Los Anjeles Galaxis ak Kolorado Rapids. Chinwa yo gen pou jwe yon rankont ak Tailand 16 Me epi Hong Kong nan fen mwa Jwen an.

Ansyen jwè seleksyon nasyonal Brezilyen Romario pa rive reyalize rèv pou l te make milyèm gòl nan karyè football -li apre Vasco de Gama pèdu devan klub 2 ziém divizyon Gama 2 a 1.

Antrenè Milan AC Carlo Ancelotti anba gwo presyon pou klub la ranpòte yon viktwa Samdi fas a Empoli nan okazyon chanpyona Seri A Italyen an. Yon move rezulta kont Empoli ap mete Milan nan pwoblèm pou l konble vid kap separe l ak 4 premye yo.

Atletisme

Tribunal abitraj spòtif la refuze ranvèse entèdiksyon ki pran kont kourè Britanik Christine Ohuruogu rate 3 tès dopaj ki fèt an deyò konpetisyon. Britanik la di rezon ki fè li rate tès yo se akoz chanjman ki fèt nan orè dantrenmann. Sanksyon an ap fini an Out 2007 donk li poko klè si lap seleksyone pou fè pati ekip Britanik la ki pral patisipe nan chanpyona du mond kap dewoule O Japon soti 25 Out pou rive 2 Septanb. Komite Olenpik Entènasyonal la kapab enpoze yon entèdiksyon avi kont kourè Britanik la. Règleman komite Olenpik Britanik prevwa yon suspansyon otomatik kont tout atlèt ki vyole prensip dopaj yo.

XS
SM
MD
LG