Accessibility links

Breaking News

Milan AC Prezante Ronaldo Ofisyèlman bay la Près


Football

Se jodi a responsab Milan AC yo prezante atakan Brezilyen Ronaldo. Ronaldo di li vle leve defi pou l montre li poko fini e ke li kapab woule balon.

Antrenè seleksyon franse Raymond Domenech publiye lis 22 jwè ki pral patisipe nan match amikal Frans kont Arjantin 7 Fevriye. Match sa a antre nan kad preparatif franse yo ap fè pou match kalifikatif koup dEròp dè nasyon 2008 la fas a Lituani.

Zoran Filipovic non-men kòm antrenè premyè seleksyon Montenegro ki separe ak la Sèbi e ki se 53 zièm manb Unyon Eropeyen an. Montenegro ap jwe premye match entènasyonal li fas a la Hongri le 24 Fevriye.

Antrenè seleksyon espayòl la Luis Aragones pa konvoke Raul nan seleksyon ki pral reprezante Espay nan match amikal kont Angletè nan Manchester. Match sa a antre nan kad preparatif avan Espayòl yo, ki klase 5 kièm nan group la, avan yo rankontre Danmak le 24 Mas.

Basketball

Carmelo Anthony pap fè pati seleksyon tout vedèt yo akoz suspansyon 15 match li te genyen pou batay li te mare nan NBA a. Match tout vedèt la fikse pou 18 Fevriye nan Las Vegas Nevada.

Miami Heat te fè anpil efò avan li kale Cleveland Cavaliers 92 89 gras ak 41 pwen Dwayne Wade make. Phoenix Suns remonte yon defisi pou l tronse San Antonio Spurs 103 a 87

Tennis

Numewo 1 tenis mondyal feminen an Maria Sharapova remonte yon defisi yon manch pou l kale Japonèz Ai Sugiyama 4-6, 6-0, 6-1 pou l kalifye nan semi final tounwa tenis Pan Pasifik la, Sharapova pral rankontre ak Sèb Ana Ivanovic ki suprann konpatriòt li Jelena Jankovic 3-6, 6-4, 6-2. Swis Martina Hingis kalifye pou semi final la apre li tronse Ostralyen Samantha Stosur 6-0, 6-1. Hingis pral rankontre ak Rus Elena Dementieva ki elimine Italyen Roberta Vinci 6-1, 6-2.

Alman Benjamin Baker ak amerken Vince Spadea kalfiey pou kar de final tounwa tenis Delray Beach la. Espayòl Albert Montanes ranpòte la viktwa nan tounwa kalifikatif Open Movistar la kap dewoule nan Vina del Mar o Chili.

Dopaj

Konsèy Mondyal Boks la pran sentu Boksè Meksiken Omar Nino te ranpòte nan kategori pwa mouch akoz li teste pou methamphetamine an Out pase.

XS
SM
MD
LG