Accessibility links

Breaking News

Luis Figo pral Jwe an Arabi Sawoudit


Football

Mitan teren pòtugè Luis Figo kap jwe nan Inter de Milan siyen yon kontra pou-l al jwe ane pwochèn nan Al Ittihad nan Arabi Saoudit. Lap pati premye juyè. Nou pa gen montan kontra-a. Men rumè ta fè konprann ke Figo, Ballon d’or 2000-la , 34 tran, ta siyen kontra-a pou plis pase 5 milyon dola pou yon lane.

Tribunal spòtif abitraj la nan vil Lauzanne an Swis enpoze yon suspansyon yon lane kont mitan teren Pòtugè Nuno Assis pou dopaj. Assis kap jwe nan klub Portugè Benfica de Lisbòn te teste pozitif pou uzaj nandrolòn nan viktwa 1 a 0 Benfica te ranpòte devan Maritimo sa gen plis pase yon lane. Assis kapab retounen nan ekip la 26 Juyè- responsab yo di yo prale an apèl ak desizyon tribunal la.

Basketball

Dallas Mavericks pwolonje kantite viktwa li ranpòte nan NBA a apre viktwa tou mens li ranpòte devan Indiana Pacers 100 a 91. Kobe Bryant make 42 pwen pou ede Los Anjeles Lakers remonte yon defisi epi kale Sakramento Kings 132 a 128 an pwolongasyon. Richard Hamilton make 27 pwen nan rakle 92 a 68 Detroit Pistons ranpòte devan New Orleans Hornets.

Paris-Dakar

Òganizatè kous otomobil Pari / Dakar la ap konsantre atansyon yo sou sekurite ak surte lè konpetisyon an ap demare Samdi nan Lisbòn an Portugal. Konpetisyon an ap kouvri yon distans 7 mil 915 kilomèt kap soti nan Portugal pase an Espay pou l antre o Maròk travèse Mauritani, Mali, Senegal ak Western Sahara a.

Tennis

La Rusi kale Espay 2 a 0 pou l ranpòte tounwa tenis Par ekip nasyonal miks ki tap dewoule nan Perth an Ostrali. Antrenè Lleyton Hewitt la Roger Rasheed demisyone akoz 2 mesye yo pa kapab travay ansanm.

Suisès Martina Hengis , tèt de seri numewo 1, ansyen numewo 1 mondyal kalifye pou final Gold Coast-la kap dewoule nan peyyi Ostrali. Hengis tap men-nen 4 jeu a 3 nan premye sèt-la lè advèsèl-la Tathiana Garvinn oblije kite rankont-la akoz sentòm yon virus kap sakaje-l depi kèk jou. Hengis ap gen pou rankontre an final ak rus Dinara Sarafina(2) apre te elimine izrealyèn Shahar Peer(5)

Numewo 2 mondyal-la , espayòl Raphaèl Nadal kalifye pou demi final tounwa Chennai-a apre pase David Sanguinnetti 2 bon kout rakèt : 6-3, 6-2. Lap rankontre an demi final ak bèlj Xavier Malisse ki elimine fransè Fabris Santorro an 3 sèt : 6-4, 4-6, 6-0 CN-151

Adolesan britanik Andy Murray kalifye pou semi final tounwa tenis Katar la apre viktwa an 2 manch li ranpòte dean Belarus Max Mirnyi 2-6, 6-2, 6-2 pou l al rankontre ak Rus Nikolay Davydenko ki elimine Bèlj Olivier Rochus 6-4, 6-3. Lòt semi final la ap mete bab pou bab Kwat Ivan Ljubicic ak Swedwa Robin Soderling. Jelena Jankovic ap rankontre an final ak Rus Vera Zvonareva nan final tounwa tenis Oakland la.

Rus Maria Sharapova te pase yon move moman avan li kale konpatriot̀ li Elena Dementieva 4-6, 6-2, 6-3 pou l al rankontre an final ak Bèlj Kims Clijsters, kap jwe dènye sezon tenis nan karyèl, te remonte yon defisi avan li kale Swis Patty Schnyder 4-6, 6-4, 6-4.

XS
SM
MD
LG