Accessibility links

Serena ak Venus Williams Ranpòte Viktwa nan Tribunal


Tennis

Yon juri nan West Palm Beach an Florid akite Serena ak Venus Williams sou akuzasyon ki tap peze sou do yo kòm kwa yo pat respekte kontra papa yo te siyen pou yo te jwe yon match antre an 2001. Pwomotè di rankont la ki pat jwe koute òganizatè a 9 milyon dola.

Football

Prezidan Afrik du Sud la Thabo Mbeki fè konnen peyi l pi avanse nan preparasyon koup du mond kontrèman ak lòt peyi òganizatè yo. Msye Mbeki rejte pawòl kap pale kòm kwa tounwa a pral òganize nan yon lòt peyi. Msye Mbeki rejte krent ki genyen ke stad yo pap pare alhè. Sa pa gen lontan prezidan FIFA a Sepp Blatter te eksprimye enkyetud li konsènan mankman ak travo renovasyon 10 stad. Lidè a Sud Afriken an pwomèt konpetisyon an ap yon evenman eksepsyonè

Yon lòt kote msye Blatter anonse FIFA pral lanse yon kanpay ane pwochèn pou l ankouraje kwasans football an End ki klase 157 mondyal nan dènye klasman òganizasyon football entènasyonal la publiye mwa sa a. Yè Jedi a FIFA te rankontre ak yon delegasyon ofisyèl football End yo pou devlope plan pou devlope football, enfrastruktu, konpetisyon ak binis ki gen rapò ak football. Msye Blatter di kanpay la ap lanse nan okazyon vizit li gen pou l fè an End an 2007.

Pou yon 4 trièm ane afile Almay fini nan tèt klasman jeneral football feminen FIFA a. Alman ranpòte tout match kalifikatif koup du mond football feminen an. Etazuni klase 2 zièm-Almay se sèl peyi ki bat Etazuni pandan 22 rankont. Norvèj klase 3 zièm, la Swèd, Kore du Sud, Brezil, la Frans, Danmak, la chin ak Japon konplete lis la.

Seleksyon nasyonal footbal feminen ameriken an ap louvri sezon 2007 la nan tounwa 4 nasyon kap dewoule nan Guangshou an Chin soti nan 26 pou rive 30 Janvye. An plis de Etazuni ak la Chin tounwa a gen ladann Almay ak Angletè. 4 seleksyon yo ap patisipe nan koup du mond football feminen ki gen pou dewoule an Chin an Septanb 2007. Etazuni ap patisipe nan yon kan dantrenman soti 11 pou rive 15 Janvye avan yo mete tèt pou la Chin.

Defansè seleksyon franse a, Lilian Thuram, kap jwe nan FC Barselòn ap absans pou 5 a 6 semèn apre li pran yon zòbòy.

Ansyen antrenè seleksyon Meksik la Ricardo Lavolpe siyen yon kontra pwovizwa pou l antrene Velez Sarfield apre li demisyone kòm antrenè Boca Junior. Ansyen antrenè Velez la Miguel Angel Russo ap ranplase Lavolpe nan tèt Boca Junior. Lavolpe, ki te nan tèt seleksyon Meksik la pandan koup du mond la, pase mwens ke 3 mwa ap antrene Boca Junior.

Meyè footbalè amerik du Sud la kapab mezure yo kont meyè footbalè yon lòt kontinan nan yon konpetisyon anuèl kap dewoule nan Los Anjeles Kalifòni kote final koup du mond FIFA a te dewoule an 1994. Konfederasyon Football Amerik du Sud la di konpetisyon an kapab dewoule pandan 9 ane a pati de Juyè ou byen Out 2007. Fanatik yo pral seleksyon jwè Amerik du Sud yo. Chak federasyon peyi amerik du Sud ap seleksyone yon jwè. Nouvèl yo poko di anyen sou fòmasyon seleksyon lòt kontinan an.

Federasyon Footbal Nijerya anonse yon match amikal ant seleksyon nasyonal peyi a ak Gana 7 Fevriye nan vil Lond. Rankont la ap make 60 tièm anivèsè rivalri ant 2 peyi Afrik de Lwès yo.

Green Bay Packers remonte yon defisi nan fen rankont pou l kale Minnesota Vikings 9a 7 yè swa. Viktwa ki émèt Green Bay gen yon palmarès 7 viktwa ak 8 defèt nan divizyon NFC a. Minnesota elimine nan faz final la apre defèt la.

Basketball

Washington Wizards remonte yon defisi pou l kale Sakramento Kings 126 a 119 pou l ranpòte 4 trièm viktwa l pandan5 rankont. Detroit Pistons danse sou Cleveland Cavaliers 87 a 71 malgre Lebron James make 26 pwen pou Cavaliers yo ki tap jwe a domisil.

Cyclisme

Siklis espayòl Aitor Gonzalez resevwa yon suspansyon 2 zan pou dopaj apre tribunal abitraj la deside kore apèl Sendika Siklis Entènasyonal la. Federasyon siklis espayòl te fè Gonzalez peye yon amand apre li te prezante yon rechèch ki montre supleman nutritif li te konsome a te kontamine.

XS
SM
MD
LG