Accessibility links

Breaking News

Ayiti Ranpòte Meday nan Judo pou Ti Moun o Venezuela


Haiti/ Judo

Ayiti ranpòte 4 meday 3 an arjan e youn an bronz nan okazyon je Panameriken pou adolesan yo ki sot dewoule O Venezuela ak patisipasyon 8 peyi. Ayiti fini an 3 zièm pozisyon nan klasman jeneral la malgre te gen 4 atlèt nan delegasyon an konpare ak lòt peyi nan rejyon an.

Football

Ansyen antrenè seleksyon nasyonal Martinik la Kuben Luis Armelio Gracia ap pran tèt seleksyon nasyonal Ayiti jodi a dapre deklarasyon prezidan Federasyon Football Ayisyen Yves Jean Bart fè Samdi. Premye misyonn se ede Ayiti patisipe nan triyangulè de baraj koup Karayib la ap patisipasyon Republik Dominikèn ak Bermud.

Carlo Marcelin, ansyen antrenè a, se nouvo direktè teknik seleksyon an. Konsènan tounwa de baraj la nouvèl yo fè konnen tounwa sa a ap dewoule nan Bermud kontrèman ak bri ki tap kouri e ki te fè konnen triyangulè de baraj la ta kapab dewoule an Ayiti ou byen an Republik Dominikè n. Venkè tounwa a, kap dewoule du 14 o 17 Desanm, ap kalifye pou dènye plas faz final koup Digicel la kap dewoule nan Trinidad and Tobago nan kòmanse ane 2007 la.

Konfederasyon football Afriken an anonse plan pou yo òganize seremoni remiz pri meyè foobalè afriken pou ane a nan Acra, Gana olye de Abuja nan Nijerya. 18 Janvye Konfederasyon pral renmèt pri meyè footbalè ak meyè ekip Afriken pou ane a. Responsab yo di evenman an se yon zafè kontinantal donk li dewoule nan diferan peyi chak ane. 20 Desanm kap vini la a, responsab yo gen pou reyuni nan vil Kèr an Ejipt pou ratifye detay yo. Lis kandida yo se Kamerounè Samuel Eto’o ki deja ranpòte mayòl la 3 ane youn dèyè lòt. Lòt kandida ki sou lis la se Nijeryan Nwankwo Kanu, Ivwaryen Didier Drogba, Ejipsyen Mohamed Aboutrika ak Ganeyen Michael Essien. Lòt pri yo se meyè footbalè fanm pou ane a, meyè gadyen ak meyè gòl.

An Eròp FC Barselòn bezwen yon viktwa demen Madi a lè lap rankontre ak klub Alman Werder de Brem nan kad chanpyona Lig dè Chanpyon Eropeyen an. Brem bezwen yon nul nan rankont la kap dewoule nan Camp Nou pou l kalifye ansanm ak Chelsea pou faz dechoukaj la. Arsenal ap jwe yon rankont enpòtan Mèkredi fas a Porto men yon match nul ap regle zafè Angle yo.. Manchester United. Benfica, Shaktar Donetsk, AEK dAtè n, Lille,AS Wòm pa ta dwe gen pwoblèm pou yo kalifye.

Aktyalite nan chanpyona Eropeyen an Barselòn subi yon echèk apre match nul 1 a 1 li fè ak Levante aloske Ronaldo make youn pami 2 gòl Real Madrid make devan Atletiko Bilbao pou ranpòte yon viktwa 2 a 1 nan okazyon 13 zièm jounen Lig football Espayòl la. Barselòn toujou nan tèt klasman jeneral la ak 30 pwen swa 1 pwen devan Real Madrid e 2 pwen devan FC Seville.

An Angletè viktwa 2 a 1 Manchester United ranpòte devan Middlesbrough pèmèt yo ogmante avans yo devan Chelsea ki gen yon match an reta. Arsenal klase 3 zièm gras ak swif 3 a 0 yo pase Tottenham malgre absans Thierry Henry.

An Itali Palerme klase 3 zièm apre match nul 0 a 0 li fèt ak Parme nan okazyon 14 zièm jounen chanpyona Seri A Italyen an. An Almay Shalke 04 pèdu tèt klasman jeneral Bundersliga a apre match nul 0 a yo fè ak Nuremberg. Nap rete an Almay sanble Werder de Brem pa ta gen pwoblèm pou l pèmèt Miroslav kite klub la malgre kontra l ap fini an 2008.

Ostrali/ Je Azyatik

Konsèy Olempik Azi a, ki reyuni 45 komite Olenpik, fè konnen li ta renmen fè chita pale ak Komite Olenpik Ostrali a konsènan posibilite pou yo tap patisipe nan pwoche je Azyatik yo. Responsab Komite Olenpik Ostrali a Craig Phillips di yo konsidere tout envitasyon kòm pa pozitif. Deklarasyon sa a fè yon semen apre prezidan FIFA a Sepp Blatter te fè konnen lap akeyi ak 2 bra louvri seleksyon football Ostrali a nan Je yo.

Cyclisme / Tour D'Itali

Kous bisiklèt 90 zièm edisyon Tour dItali a ap demare soti 12 Me pou l fini 3 Jwen 2007 dapre anons responsab yo fè nan vi Milan Samdi.

Natasyon / Ostrali

Jessica Schipper supran najè Libby Lenton pou l ranpòte kous 100 mèt papiyon feminen an nan okazyon chanpyon nasyonal Ostrali kap dewoule nan Brisbane. Nan kategori maskulen an Brenton Rickard ranpòte meday dò nan kous 100 mèt devan Jim Piper ak Chrstian Sprengler.

XS
SM
MD
LG