Accessibility links

Breaking News

Eliminatwa KONKAKAF Zòn Karayib la ap Demare Fen Semen nan


Football

Kalifikasyon pou chanpyona KONKAKAF klub chanpyon ak vis chanpyon ap dewoule nan Kingston Jamayik ak patisipasyon 2 klub ayisyen Egl Nwa ak Baltimore Sportif de Sen Mak pou detèmine reprezantan Karayib la nan konpetisyon an. Soti premye pou rive 5 Desanm group A ki gen ladann klub Jamayiken Harbour View, Egl Nwa, Pozitif Vibes ak Sant Spòtif Sosyal de Antigua. Egl Nwa ap jwe premye rankont li Vandredi 1 Desanm kont chanpyon Jamayiken Harbour View.

Baltimore de Sen Mak ap jwe premye rankont li nan group B a le 10 Desanm kont UNDEBA yon klub Antigua e Barbuda. Chanpyon Karayib la pral reprezante rejyon an nan chanpyona KONKAKAF la kote li pral rankontre chanpyon douvètu Lig Meksiken an nan kar de final la.

2 klub ameriken deja kalifye--se D.C. United ki te fini an premyè pozisyon nan klasman jeneral chanpyona Nasyonal la epi Houston Dinamo ki ranpòte trofe a nan yon final fas a New England Revolution.

An plis de reprezantan Karayib la ak 2 reprezantan Etazuni ap gen 3 klub Amerik Santral ak 2 klub Meksiken. Chanpyon KONKAKAF la ap reprezante rejyon an nan chanpyona du mond FIFA òganize pou klub yo. Vis chanpyon an ap figure pami 3 envite KONKAKAF la nan koup Nissan Amerik du Sud la.

Guyan ak Gwadeloup kalifye pou faz final koup Digicel la kap dewoule nan Trinidad and Tobago. Guyan fini nan tèt group la ak 9 pwen apre yo wonfle Republik Dominikèn 4 a 0. Gwadeloup fini an 2 zièm pozisyon ak 6 pwen apre viktwa 3 a 1 yo ranpòte devan Antigua e Barbuda. Bermud, Republik Dominikè n ak Ayiti pral jwe yon triangulè repechaj.

Ekip ki ranpòte group la pral rejwen Trinidad and Tobago, Kuba, Martinik, Barbad,Sen Vensan e Grenadines, Guyan ak Gwadeloup pou diskute faz final la. 4 premye yo ap reprezante rejyon Karayib la nan Koup dò KONKAKAF la ki gen pou dewoule isit Ozetazuni.

Footballè Italyen Fabio Cannavaro ki sot ranpòte pri balon dò Eropeyen an sou lis pou l ta ranpòte pri FIFA kòm meyè jwè pou ane a. Lòt kandida yo se Zinedine Zidane ak Ronaldinho. An Esapy : nouvèl ki soti Madrid fè konnen, David Beckham ak brezilyen Ronaldo ki te pran chòk , rekòmanse antrene ak Real e yo menm gen espwa patisipe nan match Real kont Atletico Bilbao.

An palan de Atletico Bilbao, Jose Manuel Esnal non-men kòm nouvo antrenè klub football la nan plas Felix Sarriugarte ki pèdu djòb la Lendi apre plis pase 4 mwa. Atletico Bilbao ranpòte yon sèl viktwa sou yon total 12 rankont e li klase 18 tièm sou 20 klub ki fè pati chanpyona premyè divizyon espayòl la. Atletiko Bilbao, ki ekziste depi plis pase yon syèk, ansanm ak Real Madrid, ak Barselòn poko janm desann nan 2 zièm divizyon

Manb Unyon Football Eropeyen an ansanm ak FIFA ap planifye yon vizit an Albani mwa pwochen an pou rezoud yon hing/hang ki genyen ant federasyon football peyi a ak gouvènman an. Gouvènman lokal la bloke kont an bank federasyon an apre yon tribunal dapèl te deside amandman statu federasyon an pa legal-gouvènman an tou te louvri yon ankèt sou utilizasyon fon publik ak publisite. FIFA te deja menase pou l sispann peyi a de tout aktivite entènasyonal akoz presyon gouvènman an tap fè sou responsab yo nan federasyon an.

Federasyon football Sloveni an revoke antrenè Brane Oblak akoz movèz pèfòmans seleksyon an renmèt nan eliminatwa koup dEròp dè Nasyon 2008 la.

Konpetisyon football je Azyatikyo kòmanse nan Doha Katar nan football depi yè Madi a. Kore du Sud pat pèdu tan pou l montre sa l peze lè yo tronse Bangladesh 3 a 0. Baren tronse Vyetnam 2 a 1. Nan group A a Uzbekistan suprann Emirat Arab Uni yo 2 a 1 pandan ke òganizatè konpetisyon an Katar woule Jordani 3 a 0. Nan group C a Tailand ranpòte yon viktwa tou mens devan Palestin 1 a 0 pandan Koweit pran swa Kurgistan 3 a 0. Premye nan chak group yo ak 2 meyè 2 zièm ap kalifye pou kar de final la. Seremoni douvètu Je Azyatik yo ap demare Vandredi.

Volleyball

Nan chanpyona dumond vole-bòl-la , La Frans, ki deja elimine apre defèt li yè Madi a devan Bulgari, kale Itali 3 a 2 .Konsa Lafrans fini 3e nan Gwoup F-la...sa ki ba l dwa patisipe nan yon ti tounwa konsolasyon pou 5e a 8e plas-la samdi e dimanch nan Tokyo.

Basketball

Rezulta kèk rankont nan NBA a. Washington Wizard ranpòte yon viktwa de justès devan Atlanta Hawks 96 a 95. New Jersey Nets tonbe devan Charlotte 96 a 92. Chikago Bulls danse sou New York Knikcs 102 a 85. Milwaukee Bucks te fè anpil efò pou l kale Los Anjeles Lakers 109 a 105.

XS
SM
MD
LG