Accessibility links

Breaking News

Medya Ameriken yo Anonse Mèkredi Swa Pati Repibliken an Pèdi Eleksyon an Nan Eta Virginie


Gwo medya ameriken yo fè pwojeksyon pou di Pati Demokrat la ranpòte eleksyon pou syèj senatè Eta Virginie an. Viktwa sa a, lè li konfime, ap bay demokrat yo majorite nan sena a. Nan eleksyon madi a, demokrat yo te deja pran kontwòl chanm depite a ke yo te pèdi an 1994. Mèkredi, demokrat yo te deja ap mennen avèk 50 syèj nan chanm wott la. Atansyon an fikse kounye a sou eta Virginie, kote senatè repibliken George Allen tap fè fas ak Jim Webb. Jodi jedi 9 novanm nan Webb devan nan kontaj la avèk preske 7 mil vwa sou apeprè 2 milyon 400 mil vòt elekte yo depoze.

Senatè Allen poko rekonèt li pèdi eleksyon an. Responsab kanpay li an di msye Allen pral tann responsab lokal fini ak pwosesis verifikasyon an ki ka bout jodi jedi a. Chèn televizyon NBC ak ajans Associated Press deklare Webb ranpòte laviktwa . Dapre Associated Press responsab yo finn retcheke 50 pousan bilten elekte yo te lage nan eleksyon madi a, e preske tout bilten yo rele "vòt in abstentia yo" finn konte.

Tout 435 syèj nan chanm depite a te an konpetisyon ane sa a. Demokrat yo repram majorite a avèk apeprè 30 depite yo genyen ki eli. Pwojeksyon yo di, an tou, Pati Demokrat la ap sòti ak 229 syèj e repibliken yo 196.

Sonday opinyon yo endike se ensatisfaksyon ak prezidan Bush e ak fason lap kondi lagè a nan Irak ki pouse anpil elektè vote anfavè demokrat yo. Nan Mezon Blanch lan mèkredi, prezidan bush te fè konnen rezilta eleksyon an se yon despsyon pou li, men li lanse apèl bay 2 pati politik yo pou yo travay ansam sou kesyon ki enpòtan pou pèp ameriken an. Depite Nancy Pelosi ki sou wout pou l' tounen premye fi ki janm monte alatèt cham depite a, pran angajman pou l' travay ak kòlèg repibliken li yo.

Lidè demokrat nan sena a, Larry Reid, deklare mesaj elektora a voye nan eleksyon sa a klè... e ameriken yo vote pou chanjman. Nan vòt madi 7 novanm nan, ameriken yo tap vote tou pou eli 36 eta. Demokrat yo ranpòte kèk viktwa enpòtan ki mete yo an majorite, pou la premyè fwa depi douzan (12 ans), nan premye fonksyon ki genyen nan eta sa yo.

XS
SM
MD
LG