Accessibility links

Breaking News

Sezon NBA a ap Demare Jodi a


Basketball

Sezon regulye NBA a ap demare jodi a ak 2 rankont Miami Heat ap akeyi Chikago Bulls epi Phonix Suns kont Los Angeles Lakers. Demen Mèkredi a ap gen 13 lòt rankont. Pou sezon 2006 -2007 la gen 80 jwè ki reprezante 40 peyi pami yo 7 franse.

Football

Chelsea, Manchester United, Bayern de Munich, Valancia, Lyon, ki ranpòte 3 viktwa nan Lig dè chanpyon Eropeyen an bezwen yon viktwa pou yo kalifye pou pwochen tou konpetisyon an. Yon nul kapab ede yo men sa pral depann de rezulta nan lòt group yo. Chelsea, ki te ranpòte match ale a fas a Barselòn 1 a 0 prale lakay Barca yo nan group A a. Bayern de Munick ap akeyi Sporting de Lisbon nan group B a. Valancia kapab kalifye ak yon viktwa fas a Shaktar Donetsk nan group D a. epi nan group F la Manchester United ap rankontre ak Copenhagen.

An match amikal entènasyonal antrenè seleksyon Brezil la Dunga konvoke 22 jwè eksepte Ronaldo ak Adriano nan okazyon match amikal ant Brezil ak la Swis le 15 Novanm. Federasyon Football Kosta Rika a seleksyone Hernan Bedford kòm nouvo antrenè seleksyon an ak objektif pou kalifye Chicos yo pou koup du mond Football FIFA ki gen pou dewoule an Afrik du Sud an 2010.

Federasyon football ameriken anonse ansyen antrenè seleksyon Alman an Jurgen Klisman nan tèt lis 5 kandida yap negosye pou antrene seleksyon ameriken an. Responsab yo kapab fè yon anons semen pwochen nan.

New England Patriots tronse Minnesota Vikings 31 a 7 pou l ranpòte 4 trièm viktwa afile l pandan ke Vikings yo gen yon palmarès 4 viktwa 3 defèt.

XS
SM
MD
LG