Accessibility links

Yon Delegasyon Enspektè UEFA Rive an Itali


Football

Yon delegasyon enspektè Unyon football Eropeyen an rive an Itali pou etudye kandidatu peyi a pou l òganize koup dEròp dè Nasyon an an 2 mil 12. Responsab Italyen yo di yo espere viktwa Itali sot ranpòte nan koup du mond la mete ak je zolenpi dhivè 2006 ti kapab sufi pou bay peyi bourad li bezwen pou òganize konpetisyon an. Delegasyon an ap vizite 8 stad Italyen soti jodi a pou rive Vandredi avèk arè nan vil Wòm, Napl, palerm. Bari, Udine, Turen, Milan ak Florans. Itali se youn pami finalis ansanm ak Polòy, Ukrèn, Kwasi ak Ongri. Gouvènman Italyen an anonse lap fè tout sa li kapab pou kore kandidatu peyi a. Responsab yo ap anonse peyi kap òganize konpetisyon an 8 Desanm.

Olenpik de Lyon pran tèt klasman jeneral chanpyon premyè divizyon franse a ak gòl diferans devan Olenpik de Marseille apre viktwa 3 a 1 yo ranpòte de Lorient pou 6 zèm jounen chanpyona a. An Angletè dirijan yo gen kè sote nan moman pawòl ap pale kòm kwa ta genyen korupsyon pami antrenè ak mank e-melanj nan okazyon transfè jwè yo. An Espay FC Seville, F.C Barselòn ak Valans, sèl ekip ki ranpòte la viktwa yè Dimanch la, rete nan tèt klasman jeneral la apre 3 zièm jounen chanpyona Espayòl la. Real Madrid kale Real Sociedad 2 a 0 pou l rete nan won an , apre defèt yo sot subi devan klub franse Lyon nan chanpyona Eropeyen an. An Itali A-S Wòm nan tèt chanpyona Italyen an ak 6 pwen apre viktwa 3 a 0 yo ranpòte devan Siena. Milan AC kale Parme 2 a 0. Isit Ozetazuni D-C United tonbe devan Chikago Fire 1 a 0. Houston Dinamo fè match nul 0 a 0 ak Chivas USA. New Redbulls ranpòte yon viktwa tou mens 1 a 0 devan Colonbus Crew. Real Salt Lake danse sou FC Dallas 3 a 2. Kolorado Rapids fè match nul 0 a 0 fas LA Galaksi.

Aswè a nan football zèpòl kare ameriken an Jaksonville Jaguars ak akeyi Pittsburg Steelers. Chicago Bears, Baltimore Ravens, Indianapolis Colt, ak Cincinnati Bengals ranpòte 2 zièm viktwa nan chanpyona football zèpòl kare a ak yon gwo skò. Nan lòt rankont 3 match fini an pwolongasyon Minnesota Vikings kale Carolina Panthers an pwolongasoyon 16 a 13. New York Giants remonte yon defisi 17 pwen pou l kale Philadelphia Eagles an pwolongasyon 30 a 24. Denver Broncos kale Kansas City Chiefs 9 a 6. Washington Redskins tonbe devan enmi jure l Dallas Cowboys 27 a 10. Buffalo Bills suprann Miami Dolphins 16 a 6.

Basketball

Etazuni tronse la Frans 76 a 41 pou l rete envenku nan chanpyona basketball kap dewoule O Brezil. Etazuni ap rankontre ak chanpyon Eropeyen an Republik Tchèk jodi a pou deside venkè group F-la. 4 premye yo ap kalifye pou kar de final la. Ostrali poko janm pèdu tou apre yo suprann Brezil 82 a 73. Republik Tchèl ranpòte yon viktwa de justès 85 a 83. la Chin ranpòte yon viktwa tou mens devan Kuba 73 a 70. Lithuani domine Arjantin 62 a 47 epi Espay danse sou Kanada 62 a 47.

Olenpik Peken 2008

Medya chinwa yo anonse rezidan yo nan kapital la Peken pap kapab sikile ak pwòp machin yo pou ale asiste je zolenpik yo an 2008 yon fason pou redui pwoblèm anviwon 3 milyon vehikil kreye nan vil la.

Yon jounal chinwa rapòte chanpyon olenpik chinwa najè Luo Xuejuan pap reprezante la Chin nan Je Azyatik yo pou rezon sante. Je yo ap dewoule nan Doha Katar. Manmzèl pral konsantre l sou je zolenpik Peken yo an 2008.

Tennis

Chipriyòt Marcos Baghdatis kale Kwat Mario Ancic pou l ranpòte tounwa tenis Open Peken an--donk premye tounwa tenis nan karyèl l, Baghdatis te bezwen 2 manch pou l ranpòte viktwa a 6-4, 6-0. Rus Svetlana Kuznetsova kale Franse Marion Bartoli 7-5, 6-2 pou l ranpòte tounwa tenis ki tap dewoule nan Bali nan Endonezi. Otrichyen Jurgen Melzer ranpòte tounwa tenis Boukarès la apre li kale Italyen Filipo Volandri 6-1, 7-5.

Itali ranpòte pou la premyè fwa koup Federasyon an, ekivalan koup Davis maskulen an gras ak yon viktwa 3 a 2 yo ranpòte devan la Bèljik.

Cyclisme

Siklis Alman Erik Zabel ranpòte dènye etap kous bisiklèt Tour Despay la men Kazakstan Alexandre Vinokourov ranpòte 61 nièm edisyon an devan espayòl Alejandro Valverde ak konpatriòt li Andrey Kashechkin.

XS
SM
MD
LG