Accessibility links

Breaking News

Angola ap Oganize Koup DAfrik 2010 la


Football

Konfederasyon Football Afriken an seleksyone Angola pou akeyi koup dAfri dè Nasyon an an 2010. Konpetisyon an ap dewoule kèk mwa avan dewoulman koup du mond FIFA 2010 la kap dewoule an Afrik du Sud. Guine Ekwatoryal ak Gabon ap akeyi an tandèm konpetisyon an 2012 epi Libi ap òganize l an 2014.

Pwen kap domine aktualite-a pou semèn sa-a se match ant Frans Itali-a kap gen pou dewoule an Frans demen madi-a nan kad eliminatwa Koup Dewòp des nasyon-an. Match sa-a kreye yon pakèt sansasyon akos dènye final koup mond-la kote Itali te bat Lafrans an final. Ki donk gen yon ti revanch nan lè-a. 3 jwè ki gen non-yo plis site pandan final sa-a pap la demen : Se Zidane ki te bay Materatzi kout tèt-la pran retrèt-li ; et Materatzi ap purje pèn suspanasyon-l-lan ; E Texeguet ki te rate penalite-l pap prezan akoz blesu. Selon sa ki dit nan la près italyèn, Materatzi ap tann toujou ekskuz nan men Zidane. Epi Raymond Domeneck , antrenè fransè-a anonse Claude Makelele ap kòmanse match demen-an. .

Footbalè Italyen Marco Materazzi rankonte sa l te di franse Zinedine Zidane ki fè l te pran yon kout tèt. Materazzi rekonèt li te rale mayo Zidane ki te di l si l vle mayo lap jwenn apre match la. Materazzi di non mwen prefere sè w la pito. Materazzi ap purje 2 match suspansyon pou ensidan an. Msye pap sou teren an nan okazyon match kalifikatif koup dEròp dè nasyon kont la Frans demen Mèkredi a nan vil Pari.

Bon nouvèl-la pou fanatik FC Barselòn-yo paske Dunga , nouvo antrenè Brezil-la anonse Ronaldinyo ap jwe jodi madi-a pou Brezil nap match kont Peyi de Gal .Dimanch Brezil te kale Arjantinne 3 a 0.

Fanatik Kore du Nò yo ap selebre viktwa seleksyon nasyonal Juniò feminen an sot ranpòte nan koup du mond la ki sot dewoule nan vil Moskou. Kore du Nò woule la Chin 5 a 0 pou l ranpòte trofe a. Dapre nouvèl yo se premye seleksyon Koreyen ki ranpòte yon konpetisyon FIFA òganize.

Tennis

US Open nan Flusing Meadows nan New York ap kontinue aktuèlman-an la-a . Nan Kour Louis Armstrong-nan ak 8e de final kay mesye-yo Jelena Vankovitch kalifye pou semi final a apre viktwa-l sou rus Elena Dementieva 6-2, 6-1 . e kar de final kay medam-yo nan kour Arthur Ashe-la. Marat Safin Tommy haas ap jwe jodi-a tou.

Kèk rezulta nan match yè-yo : Kay medam-yo : Fransèz Amelie Mauresmo(numewo un mondyal ) kalifye pou kar de final tounwa-a . Mauresmo kale ameriken Serena Williams 2 sèt a 1 : 6-4, 0-6, 6-2. Mauresmo pral rankontre ak Rus Dinara Safin. Bèlj Justin Henin Hardenne, Rus Maria Sharapova ak Elena Dementieva kalifye tou. Bò kote mesye yo ameriken Andy Roddick demoli alman Bejamin Becker, ti adolesan sa-a ki te elimine Andre Agassi---wi Roddick kale 3 sèt a 0 : 6-3, 6-4, 6-3 pou l al rankontre ak Ostralyen Lleyton Hewitt ki te monte yon maswife avan li kale franse Richard Gasquet an 5 sèt : 6-4, 6-4, 4-6, 3-6, 6-3. Espayòl Rafael Nadal te bezwen 3 sèt pou l kale Tchèk Jiri Novak 6-1, 7-6, 6-4. Rus Mickail Youzhny kouri ak espayòl Tommy Robredo 6-2, 6-0, 6-1.

Basketball

Vedèt basketball chinwa Yao Ming mande otorite peyi a pou leve entèdiksyon yo enpoze pou basketè chinwa pa al jwe aletranje. Nan kòmansman ane a Asosyasyon Basketball Chinwa a te pran yon desizyon pou l entèdi jwè lokal kap evolye nan lig la pa kapab jwe nan oken lig etranje avan je zolenpik Peken 2008 yo. Ajans Chin Nouvèl site pawòl Yao Ming ki ta vle fè konprann jwè tankou Yi Jianlian ak Wang Shipeng ta dwe al jwe aletranje pou amelyore seleksyon chinwa a avan je zolenpik Peken 2008 yo.

Asosyasyon Tenis Pwofesyonèl feminen an siyen yon akò pou l supèvize tès dròg kap fèt nan tout touynwa tenis feminen a pati de Janvye 2007. Akò a ki siyen yè Lendi a valab juskan 2011. Akò a prevwa yon ogmantasyon juska 150 pou 100 tès ki kapab fèt sou jwè yo andeyò konpetisyon. Federasyon Tenis Entènasyonal la gen yon akò konsa ak Asosyasyon tenis pwofesyonèl maskulen an.

Yon lòt kote responsab alman yo mande ansyen chanpyon Tour de Frans Jan Ullrich pou subi yon tès ADN pou mete fen nan akuzasyon dopaj kap peze sou do l. Ullirch te rejte akuzasyon yo an mè m tan te refuze subi yon tès ADN. Responsab Alman an di si Ullrich subi tès la lap bon pou li epi bay disiplin nan kèk kredibilite.

XS
SM
MD
LG