Accessibility links

Breaking News

Anbasadè Ayiti a nan Washington Rejte Akizasyon Yon Depite


Anbasadè ayisyen an nan Washington, Raymond Joseph, demanti ak tout fòs li akizasyon kòmkwa te gen magouy nan misyon diplomatik la pou fè wout kwochi ak lajan paspò.

Nan entèvyou Anbasadè Ray Joseph bay laprès, nan deklarasyon li publiye sou rezo Entènèt la, pa egzanp nan yon forum sou politik ayisyèn ki trè populè, li rejte kare bare tout akizasyon ki ta fè konprann li te mele nan aktivite louch pou fè lajan nan anbasad la.

Depi kèk jou, plizyè akizasyon koripsyon ap miltipliye tanto kont manm gouvènman Préval-Alexis a, tanto kont ansyen fonksyonè rejim tranzisyon Gérard Latortue a, e kèk ladan yo tankou Raymond Joseph, toujou nan pòs yo. Sepandan, poko gen prèv solid ki ta kore akizasyon sa yo. Kwakilanswa, gouvènman Pòtoprens la nan obligasyon kounye a pou li demontre ke li serye nan kesyon lit kont koripsyon an. E pi bonè li fè sa, se plis lap bon ni pou li, ni pou moun ki gen non yo site, ni pou avni peyi a.

Pou plis detay, fè klik sou ralonj anlè foto a.

XS
SM
MD
LG