Accessibility links

Breaking News

Alman Miroslov ak Jurgen Klisman Nonmen kòm pibon pami pibon pou Ane a


Football

Magazin spòtif Alman Kicker vote atakan seleksyon Alman Miroslav Klose kòm meyè footballè pou ane a. Jounalsi spòtif Alman yo bay Miroslav 532 vwa devab gadyen seleksyon an Jens Lehman. Ansyen antrenè seleksyon an Jurgen Klisman vote kòm meyè antrenè pou ane a. Birgit Prinz nonmen kòm meyè footballè feminen pou ane a pou yon 6 zièm ane afile.

Milan AC ap retounen devan tribunal nan moman yap pare pou rankontre ak Etwal Wouj de Belgrad nan Lig dè chanpyon Eropeyen an.

Antrenè seleksyon franse a Raymond Domenech anonse seleksyon ki pral reprezante peyi a nan okazyon match amikal kont Bosni Herzegovin le 16 Out. Antrenè Domenech kenbe 15 pami 23 jwè kite patisipe nan koup du mond la. Claude Makele ak Lilian Thuram pa fè pati seleksyon an.

Isit Ozetazuni aswè a New England Revolution ap akeyi Kansas City Wizards. Los Anjeles Galaksi ap vizite Houston Dynamo. Kolorado Rapids ap akeyi Real Salt Lake.

Antrenè klub Pòtugè FC Porto Olandè Co Adriaanse bay demisyonn nan tèt klub la. Olenpik Lyonè pwopoze plis pase 22 milyon dola pou sèvis Frank Ribberi ki te anonse sa pa gen lontan entansyonn pou l kite Olenpik de Marseille.

Tennis

Ameriken Serena Williams kap patisipe nan 2 zièm tounwa tenis depi tounwa tenis Open Ostrali a kale Rus Maria Kirilenko nan premye tou tounwa tenis JP Morgan Chase la kap dewoule nan Carson an Kalifòni. Japonè Ai Sugiyama tonbe fas anba devan ameriken Laura Granville 7-5, 6-2.

Atletisme

Kourè Pòtugè, dorijin Nijeryan, Francis Obikwelu tounen premye kourè Eropeyen ki ranpòte kous 100 mèt la nan mwens ke 10 sekond e ranpòte tit la nan chanpyona Eropeyen kap dewoule Gothenburg an Swèd. Rus Andrey Yepshin fini 2 zièm epi Slovèn Matic Osovnikar fini an 3 zièm pozisyon.. Kourè Italyen dorijin ameriken Andrew Howe ranpòte meday dò pou Italyen yo nan so an longè. Espayòl Javier Fernandez ranpòte kous 20 kilomèt la. Kourè Slovèn dorijin Jamayiken Merlene Ottey, ki gen 40 tan kalifye pou semi final kous 100 mèt feminen an.

Numewo 1 tenis mondyal maskulen Swis Roger Federer kalifye pou 2 zièm tou tounwa tenis dè mèt Rogers yo kap dewoule nan Toronto Kanada apre li pase franse Paul Henri Mathieu 2 kout rakèt 6-3, 6-4. Chanpyon sötan an espayòl Rafael Nadal elimine chilyen Nicolas Massu 6-3, 6-2.Nadal, ki amelyore dosye l ak 44 viktwa 5 defèt, pral rankontre ak Sud Koreyen Lee Hyung-Taik ki elimine Kolonbyen Alejandro Falla an 3 manch 6-0, 6-7, 6-1.. Franse Arnaud Clement ki sot ranpòte tounwa tenis Legg Mason nan isit Washington woule ak kout rakèt espayòl Alberto Martin 6-2, 6-1.

Rus Anastasia Myskina wouze Ostralyen Alicia Molik ak kout rakèt 7-6, 6-3 nan tounwa tenis Stockolm nan an Swèd.

XS
SM
MD
LG