Accessibility links

Breaking News

Rus Nadia Petrova Elimine nan Tounwa Tenis Roland Garos la


Tennis

Rus Nadia Petrova elimine nan tounwa tenis Roland Garos la. Swis Martina Hingis retounen an gran pan-pan jodi a nan tounwa tenis Roland Garos la apre kale san pèdu tan ameriken Lisa Raymond 6-2, 6-2 an 54 minit. Pi move souvni Hingis se lè l te pèdu an final fas a Steffi Graff an 1999. Hingis ranpöte tout lòt tounwa yo eksepte Roland Garos la. Dènye tantativ Hingis te fè la an 2001 lè l te pèdu fas a Jennifer Capriati. Manmzèl ranpòte yon total 41 tit nan karyè tenis pwofesyonè l li. Apre 3 zan absans Manmzèl te pèdu an kar de final nan tounwa tenis Open Ostralyen an.

Football

Seleksyon ameriken an pran yon repo 3 jou avan li mete tèt pou Almay Vandredi. Ameriken yo ranpòte 2 viktwa sou yon total 3 rankont chofe jarèt. Plizyè milye moun ki gen tikè match koup du mond la kapab gen difikilte pou antre nan stad yo. Komite òganizatè a di sèlman moun ki gen non yo enskri sou tikè ap kapab antre nan stad yo. Pa ekzanp tikè ki vann ak konpayi yo pou yon seri de envite espesyal pap gen non yo enskri sou tikè yo. Responsab yo di li twò ta pou korije pwoblèm yo. Gana woule Jamayik ak yon viktwa 4 a 1. Jodi a ap gen 8 match amikal ak patisipasyon 10 peyi kap patisipe nan koup du mond la.

Footballè Angle Michael Owen bay dirijan angle yo kè sote apre li rapot̀e yon pwoblèm nan pye. Apre ekzamen doktè yo bay dizon yo pou Owen patisipe nan rankont amikal Angle yo ap jwe kont Ongri nan Old Trafford. Doktè yo nan seleksyon Itali a deklare jodi a Defansè seleksyon an Gianluca Zambrotta ap rate match douvètu koup du mond la fas a Gana ak posibilite pou l pa jwe rankont fas a Etazuni apre zòbòy li pran nan yon match football kont yon klub amatè. Malgre tou Zambrotta ap vwayaje ak seleksyon an Swis ki pral jwe 2 match amikal.

Defansè seleksyon Oland la Rafael Van der Vaart pran yon zòbòy apre li te pran yon kout boul. Van der Vaart pat patisipe nan rankont amikal ant la Holand ak Kameroun. Footbalè Ivwaryen Salomon Kalou transfere soti nan Feyernoord pou l al jwe nan lig football angle a Chelsea. Msye make 42 gòl pandan 83 rankont. Fanatik football ki pap kapab asiste 64 match koup du mond la ap gen chans asiste rankont yo sou entènèt la nan fifaworldcup.com. A koz restriksyon legal rankont sa yo ap disponib 24 trè apre rankont yo sou kontinan Azyatik, mwayen Oryan an epi 48 tè an Almay kote konpetisyon an ap dewoule. Responsab Kore du Sud yo fè konnen otorite Nò Koreyen yo mande konkou pou swiv rankont koup du mond yo nan televizyon. Responsab yo di yap konsidere demand la ap espwa pou l rapwoche 2 peyi yo.

NBA

Aswè a Dallas Mavericks pral lakay Phoenix Suns. Dallas ap domine seri a ak 2 viktwa 1 defèt. Yè swa, Miami Heat pase yon vitès superyè apre viktwa 89 a 78 li ranpòte devan Detroit Pistons nan seri final 7 match konferans de Lès la. Miami ap domine seri a ak 3 viktwa kont yon defèt sa vle di Detroit bezwen ranpòte 3 dènye match yo pou l kalifye pou final chanpyona nasyonal la aloske Miami bezwen yon grenn viktwa. 2 ekip yo ap rankontre demen Mèkredi a nan Detroit.

XS
SM
MD
LG