Accessibility links

Breaking News

Barselòn fas a Milan A C nan Semi Final Lig Chanpyon an


Football

Klub anglè Arsenal kalifye pou final Lig Chanpyon Eropeyen an apre match nul 0-0 li fè ak klub espayòl Villarreal. Nan match ale-a anglè-yo te ranpòte la viktwa 1 a 0 lakay yo. Arsenal ap rankontre ak venkè rankont jodi a ant Barselòn ak Milan A-C--yon rankont anpil moun konsidere kòm “ La guerre des Etoiles ” paske lap mete sou teren 2 gwo nom , 2 referans , 2 gwo klub sou kontinan an. Match la ap dewoule tou nan gwo stad , le Nou Camp ann Espay. Nan match ale-a nan San Siro , Barselòn te kale milanè-yo 1 a 0 . Ki donk Barselòn gen tout avantaj : avataj teren, avantaj skò , yon gòl e li te pati favori depi nan kòmansman konpetisyon an.

Gwo nouvèl ki parèt nan premye paj anpil jounal ann Espay tankou an Frans se anons retrèt youn nan spòtif fransè ki make youn pi bèl paj istwa foutbòl mondyal-la , Zinedine Zidane, chanpyon du mond e youn nan pèsonalite ki pi apresye an Frans. Se yon soulajman pou mitan teren Real Madrid la ki fè anons ofisyèl-la sou Canal Plus ki satisfè dèske li rann publik desizyon sa-a ki irevokab pounn repete Zizou ki pral gen 34 tran nan mwa juin kap vini la-a. Nouvèl sa-a tap sikule nan laprès depi kèk jou ,l men se yè Zidane ofisyalize-l.

Jodi a ankò li bay yon konferans pou laprès nan vil Madrid kote li rebay yon lòt konfirmasyon ke lap mete fen nan karyèl apre mondyal-la . Konnye-a Zizou di lap konsantre-l sou Mondyal Almay 2006-la pou-l wè si-l fini karyèl an boté. Pou anpil fanatik, obsèvatè ak foutbolè , Zidane se yon gran tòm, yon foutbolè “au dessus de la moyenne” qui a fait les beaux jours de l’Equipe de France et du Real Madrid pou site sa-yo sèlman. Balon dòr chanpyon du mond, Zidane se 3e meyè butè nan ekip de Frans-la.

NBA

Washington Wizards, ekip nou-an kale Cleveland Cavaliers ak tout Lebron James an deplasman 89 a 84 pou l egalize seri 7 match kar de final konferans de Lès la ak yon viktwa patou. Gilbert Arena make 30 pwen pandan ke Caron Buttler ak Antwan Jamison ajoute 21 pwen yo chak. 2 ekip yo ap rankontre nan Verizon Center-la isit Washington Vandredi ak Dimanch pou 3 zièm e 4 trièm rankont faz final la. Nan New Jersey, Vince Carter make 33 pwen pou ede New Jersey Nets van-nen Indiana Pacers 90 a 75--viktwa ki mete seri kar de final la ak yon viktwa chak kote. Nan konferans de Lwès la San Antonio Spurs toupizi Sakramento Kings 128 a 119 nan yon rankont gason pa kanpe e ki te ale an pwolongasyon. Spurs yo ap domine seri 7 match la a 2 vikwa kont 0 defèt.

Asosyasyon Nasyonal Basketball Ameriken an non-men antrenè Dallas Mavericks Avery Johnson kòm meyè antrenè pou ane a. Dallas Macvericks fini sezon an ak 60 viktwa

Tennis

Nan tenis , Paul Henri Matthieu kalifye pou 8e de final tounwa Barselòn-nan apre viktwa l sou espayòl Carlos Cuadrado an 2 sèt : 7-6, 6-4. Lòt rezulta: koat Ivo Karlovitch elimine rus Nikolay Dadydenko(2) an 3 sèt : 6-7, 7-5, 6-4. Espayòl Juan Carlos Fererro elimine konpatriyòt-li Alberto Martin an 2 sèt : 6-4, 7-6.

Chanpyon sòtan tounwa tenis Roland Garos la Bèlj Justine Henin-Hardenne pap patisipe nan tounwa tenis polòy la akoz lap soufri yon doulè nan do. Manmzèl espere patisipe nan tounwa tenis Open Berlen an kap kòmanse le 8 Me. Ameriken Venus Williams, ki rate plizyè tounwa tenis, konfime patisipasyonn nan tounwa tenis Polonè a. Tounwa tenis Roland Garos la ap demare nan vil Paris an Frans 29 Me.

XS
SM
MD
LG