Accessibility links

FIFA Anonse Anpil Benefis pou Ane 2005 la


Football

FIFA anonse benefis li fè pandan ane 2005 rive a 164 milyon 900 mil dola konpare a 56 milyon dola an 2004.

Ameriken Tony Meola tounen premye gadyen ameriken kap jwe 100 match pou seleksyon tonton Sam nan kap rankontre ak Jamayik pita nan Cary an Karolin du Nò. Se dènye match seleksyon an ap jwe avan antrenè Bruce Arena publiye lis 23 jwè ki pral reprezante Etazuni nan koup du mond Almay 2006 la.

Inter de Milan ap rankontre ak Udineze nan kad semi final retou Koup dItali a. Demen Mèkredi AS Wòm ap rankontre ak Palerme. Kar de final koup de Frans la ap mete bab pou bab Olympic de Marseille kont Lyon. Paris Sen Jermen kont Lille. Demen Mèkredi Rennes ap akeyi Montpellier epi Nantes ap fè yon kout pye lakay Calaix. Antrenè Olandè Guus Hiddink ki pap antrenè PSV Eindhoven apre sezon an“ kapab pran tèt seleksyon Rus la si 2 pati yo jwen yon antant. Pou kounye a Hiddink ap antrene seleksyon Ostrali ki pral patisipe nan koup du mond la an Almay.

Yon nòt kap fè fanatik Brezil-yo kontan e kap montre tout se pa sèlman ayisyen-yo ki fou pou Selesao-a. Depi plizyè semèn , drapo peyi Brezil ap flote nan yon ti vil alman : Königstein-im-Taunus---ti zòn sa-a ki toupre vil Frankfort pral akeyi an juin pwochen chanpyon du mond-yo ki pati ankò favori pou mondyal 2006-la. Genyen yon santèn milyonè kap viv nan ti rejyon sa-a . Ekip brezilyèn-nan ap rete nan rejyon sa-a soti 5 pou rive 15 juin avan li mete tèt-li pou Koloy. Ki donk, menm alman-yo gen lè brezilyen-yo. Responsab munisipal nan zòn-nan di se pi gwo evenman pou yo depi vizit Anperè Guillaume 2 nan kòmansman syèk ki sot pase la-a. Anpil preparatif gentan ap fèt pou akeyi super star-yo.

Koup d’Itali : Inter de Milan kalifye pou final apre match nul 2-2 li fè ak Oudinesse nan demi-final. Milanè-yo te ranpòte match ale-a 1 a 0 . Inter ap rankontre an final venkè konfwontasyon ant AS Wom ak Palerm kap jwe demen mèkredi-a demi final retou-a.

NBA

Denver Nuggets ranpòte tit divizyon Nòdwès la apre viktwa 110 a 98 yo ranpòte devan Portland Trail Blazers. Allen Iverson make 26 pwen ak 15 pas ki make pwen nan viktwa 105 a 97 Philadelphia 76ers ranpòte devan Washington Wizards. Philadelphia 76ers klase 8 tièm swa dènye plas ki disponib pou faz final la. Orlando Majik ranpòte 5 kièm viktwa afile l apre li kale Atlanta Hawks 105 a 88 pou mete yo ap 3 match an reta dèyè Philadelphia 76ers. Utah Jazz ranpòte yon viktwa de justès sou Houston Rockets 85 a 83. Chinwa Yao Ming kase pye l donk li rate rès sezon an. Houston deja elimine pou faz final la. Lebron James make yon panye mwens ke yon sekond pou bay Cleveland Cavaliers 103 a 101 sou New Orleans Hornets. Almay Dirk Nowitzki make 2 pwen dènye sekond nan tan reglemantè a pou pèmèt Dallas Marvericks kapote Los Anjeles Clippers 75 a 73. Indiana Pacers okipe 6 zièm plas la nan konferans de Lès la apre yo tronse New York Knicks 101 a 82.

Tennis

Alman Tommy Haas te fè anpil efò avan li kale espayòl Oscar Hernandez 6-1, 6-4 nan premye tounwa tenis an tè batu kap dewoule nan Houston Tekzas. Otrichyen Olivier Marach tronse Kosta Riken Juan Antonio Marin 6-4, 6-1. Otrichyen Jurgen Melzer pilon-nen Tchèk Ivo Minar 7-6, 6-0.

Arjanten Gaston Gaudio kalifye ak difikilte pou 2 zièm tou tounwa tenis maskulen nan Valans an Espay apre viktwa an 2 manch li ranpòte devan Olandè Raemon Sluiter 7-6, 7-6.

XS
SM
MD
LG