Accessibility links

Jan l' Monte l' Monte vs. Eleksyon Demokratik--Yon Analiz Doktè Sauveur Pierre Etienne


Sauveur Pierre Etienne se yon ekspè nan syans politik ki milite depi lontan nan OPL, ansyen Organisation Politique Lavalas ki vin tounen Organisation du Peuple en Lutte.

Nan dènye interview li bay Sèvis Kreyòl Lavwa d Lamerik la, li fè yon bèl rale, yon analiz ak kritik eklere sou sa ki sot' pase ann Ayiti ant 7 ak 16 fevriye 2006 la, espesyalman desizyon pou remèt prezidans peyi a bay sitwayen René Garcia Préval, kandida platfòm Lespwa a, gras ak yon nouvo kalkil ki antre nan metòd konte vwa yo, plis pase yon semèn depi bilten te deja ap konte.

Lè kou a fèt douvanjou 16 fevriye a, Préval te devan ak plis pase 48% vwa men tout siy te endike tapral gen yon Dezyèm Tou ant li-menm ak Pwofesè Leslie Manigat.

Plizyè sektè defann desizyon an ki, dapre yo, non sèlman saj men tou annakò ak lwa peyi a. Doktè Pierre-Etienne pa dakò. Koute ti kozman an, na konnen pou kisa.

Fè klik sou ralonj ki anlè premye paragraf la.

XS
SM
MD
LG