Accessibility links

Seleksyon Football Feminen Ameriken an Antann li ak Federasyon an


Football

Seleksyon football feminen ameriken finalman jwen yon antant ak federasyon football Etazuni an pou yo resevwa yon minimòm 1 milyon 280 mil dola anuèlman pou 20 jwè seleksyon ki pral an konsantrasyon. 14 jwè pou pipiti jwen garanti yap resevwa yon salè 70 mil dola. Jwè yo kapab resevwa 200 mil dola yo chak si yo ranpòte meday dò nan je zolenpik yo ak yon koup du mond.

Yon jounal alman rapòte deklarasyon minis enteryè Alman ki mande deplwaman avyon espesyal l’OTAN pou sikile sou tèt peyi a pandan dewoulman koup du mond la. Òganizatè yo di gen posibilite pou 3 milyon edmi vizitè nan peyi a pandan dewoulman konpetisyon an.

Prezidan klub football Angle Arsenal eksprime kè sote l fas a posibilite pou footbalè franse Thierry Henry pa kite klub la.

Tennis

Swis Roger Federer kalifye pou semi final tounwa tenis Open Katar la apre li fè 2 bouche ak Chipriyòt Marco Baghdatis 6-4, 6-3. Federer pral rankontre nan semi final la ak Alman Tommy Haas ki tronse Rus Mikhail Youzhny 6-4, 6-3.

Jwè tenis Ivan Ljubicic ak Kristof Bliegen kalifye pou kar de final tounwa tenis Chennai la kap dewoule an End.

Etazuni ap rankontre ak Oland nan final koup Hopman ekip Miks la kap dewoule nan Perth an Ostrali apre yo elimine la Swèd ak Almay respektivman.

Jwè tenis ameriken Andre Agassi pap patisipe nan tounwa tenis Open Ostrali a kap kòmanse 16 Janvye akoz yon zòbòy li pral nan pye.

Adolesan Espayòl Rafael Nadal pap patisipe nan tounwa tenis Sidney Internasyonal la akoz yon pwoblèm nan pye. Msye kapab pa patisipe nan tounwa tenis Open Ostrali a.

Rallye Paris/ Dakar

Otmobilis franse Thierry Magnaldi ranpòte 6 zièm etap kous Otomobil ak motosiklèt Pari/Dakar la nan Mauritanie ki kouvri yon distans 792 kilomèt. Demen Vandredi a patisipan yo ap kouvri yon distans 499 kilomèt nan okazyon 7 tièm etap la.

Football Ameriken

Univèsite Tekzas ranpòte tit chanpyon nasyonal gras ak yon vikwa supriz 41 a 38 li ranpòte devan Univèsite Southern Califòni. Quater Bak Vince Young make touch down viktwa 19 sekond avan fen tan reglemantè a e anpechen Souther Califòni ranpòte trofe a pou yon 3 zièm fwa.

NBA

Lebron James make 32 pwen nan viktwa 91 a 84 Cleveland Cavaliers ranpòte devan Milwaukee Bucks . Nan Boston Paul Pierce make 31 pwen, msye fè 10 pas ki make epi trape balon an 8 fwa pou ede Celtics yo ranpòte yon viktwa tou mens 109 a 106 devan Charlotte Bobcats. Nan Oklahoma Desmon Mason make 24 pwen pou ede New Orleans Hornets danse sou Miami Heat 107 a 92. Toronto Raptors pilon-nen Orlando Majik 121 a 97. Minnesota Timberwolves wouze Dallas Mavericks 91 a 78. San Antonio Spurs woule Chikago Bulls 101 a 97. Denver Nuggets pat rankontre oken difikilte pou l kale Indiana Pacers 106 a 86 pandanke Phoenix Suns krabinen Philadelphia 76ers 105 a 85.

XS
SM
MD
LG