Accessibility links

Kous Otomobil Pari/Dakar la Fikse pou Samdi


Rallie Pari/ Dakar

Òganizatè rallie Pari/ Dakar anonse konpetisyon an ap demare Samdi nan vil Lisbon nan Portugal pou l kouvri yon distans 370 kilomèt pou l antre an Espay le 1 Janvye. Konpetisyon an ap fini le 15 Janvyen nan Dakar apre otomobilis yo finn kouvri yon distans 9043 kilomèt. 9 -

Football

Anviwon 39 pou 100 alman kwè seleksyon peyi a ap ranpòte koup du mond la dapre yon sondaj ki publiye jodi a. Seleksyon Gana a kòmanse yon prepare l pou koup dAfrik dè Nasyon an nan Tunizi avan li mete tèt pou Ejipt kote konpetisyon an ap dewoule

Pou yon 3 zièm ane afile footbalè Arjanten Carlos Tevez deziyè köm meyè footbalè pou ane 2005 la nan Amerik yo aloske Ronaldinho rete kòm wa sou kontinan Europeyen an dapre yon ankèt jounal Urugweyen El Pais fè. Tevez ap jwe nan klub Brezilyen Corinthians

NBA

Shawn Marion make 28 pwen nan viktwa tou mens Phoenix Suns ranpòte devan Washington Wizards yè Mèkredi a. Toronto Raptors te fè anpil efò pou l kale Atlanta Hawks 108 a 102. Orlando Majik woule New York Knicks 105 a 95. Charlotte Bobcats tronse Chikago Bulls 93 a 80. New Orleans Hornets ranpòte yon viktwa de justès devan Houston Rockets 92 a 90. Minnesota Timberwolves danse sou Seattle Supersonics 108 a 95. Philadelphia 76ers tonbe devan Portland Trail Blazers 95 a 91. Golden State Warriors te fè anpil efò pou l kale Boston Celtics 111 a 109 san bliye viktwa de justès Memphis Grizzlies ranpòte devan Los Anjeles Lakers 100 a 99.

Atletismen

Otorite Jamayiken yo inogure yon statu nan non atlèt Merlene Ottey ki patisipe nan 7 Je zolenpik. Dènye fwa Ottey te reprezante Jamayik se te nan je zolenpik Sidne 2000 yo. Manmzèl ranpòte 8 meday -5 an bronz ak 3 an arjan. Nan je zolenpik Atèn 2004 yo, manzèl te kouri anba drapo Sloveni.

Ajans Nouvèl Associated Press nonmen siklis ameriken Lance Armstrong ak jwè gòl Swedwa Annika Sorenstam kòm meyè atlèt pou ane a nan kategori maskulen ak feminen.

Kliké sou ralonj ki anlhè atik sa a pou tande prensipal pwen ki te domine aktyalite spòtif la pou ane 2005 la.

XS
SM
MD
LG