Accessibility links

Ronaldinho Ranpòte Balon D'ò Eropeyen pou Ane a


Football

Mitan teren seleksyon Brezil la Ronaldinho kap jwe nan FC Barselòn, resevwa 50 tièm edisyon Balon dò Europeyen an yè Lendi a nan vil Pari. 52 jounalis entènasyonal seleksyone Ronaldinho devan Franck Lampard kap jwe nan Chelsea ak Steven Gerrard kap jwe nan Liverpool. Ronaldinho jwe yon total 62 rankont pou seleksyon Brezilyen an kote li make 27 gòl. Msye te pami jwè ki ede seleksyon Brezil la ranpòte koup du mond Japon/ Kore du Sud la an 2002.

Ronaldinho, ki gen 25 kan, fè konnen li finalman reyalize yon rèv li genyen depi lontan. Se 3 zièm brezilyen ki resevwa pria apre Ronaldo( 1997, 2000) ak Rivaldo (1999).

Antrenè seleksyon Alman an Jugen Klisman fè konnen antrenè Brezilyen Carlos Alberto Parreira mande pou l eksplike fason li rekonstrui selekesyon Alman an pandan yon kongrè kap dewoule nan Rio de Janeiro Jedi. Luiz Felipe Scolari ak Mario Zagallo ap pran la pawòl tou pandan kongrè a. Rezon an dapre Klisman Brezilyen sanble yo ta renmen konprann pi byen football Europeyen an. Klisman fè konnen pami teknik li aplike nan seleksyon Alman an se teknik li te aprann Ozetazuni kote li te debute karyè antrenè l.

Je Azi du Sudès

Filipine kontinye ap domine tablo meday yo nan je Azi du Sudès yo kap dewoule nan Manille. Atlèt Filipen yo ajoute 2 lòt meday dò jodi a pou l mete kantite meday yo a 84 swa sou 38 an ò--21 ajan--25 bronz. Vyetnam klase 2 zièm ak 69 meday swa 20 an ò-Tailand ak Malezi ranpòte 17 meday dò yo chak. Nan Football Malezi remonte yon defisi pou l kale Filipin 4 a 2 pou l kalifye pou semi final la kont Vyetnam. Endonezi kalifye pou semi final la apre li elimine Cambòdj 1 a 0 pou l al rankontre ak chanpyon sòtan an Tailand

NBA

Dallas Mavericks make yon 2 pwen pou pèmèt ekip la ranpòte yon viktwa 93 a 91 devan Toronto Raptors. Dwayne Wade make 33 pwen nan viktwa 107 a 94 Miami Heat ranpòte devan New York Knicks. Orlando Majik kale Boston Celtics 87 a 83 pou l ranpòte 4 trièm viktwa afile l. New Jersey Nets tronse Denver Nuggets 101 a 92 epi Golden State Warriors wouze New Orleans Hornets 99 a 83.

Tennis

Chanpyon tenis Ostralyen Lleeyton Hewitt ak aktrès Rebecca Cartwright gen yon ti bebe ki pran nesans bonè maten an.

Atletisme

Federasyon Atletis ameriken deziye atlèt ameriken Justin Gatlin ak Allyson Felix pou resevwa pri meyè atlèt ameriken pou ane a akoz meyè pèfòmans yo renmèt.

Football Ameriken

Indianapolis Colts ranpòte 11 zièm viktwa yo yè swa gras ak yon swif yo pase Pittsburgh Steelers 26 a 7. Indianapolis Colts rete sèl ekip nan lig football zèpòl kare ki poko pèdu oken rankont depi sezon an komanse. CN-

Responsab yo nan Lig Football zèpòl kare anonse Rolling Stones ap patisipe nan 40 tièm edisyon final Superbowl 5 Fevriye nan Detroit Michigan--menm group ki te patisipe nan premye final Superbowl an 1966. Pami lòt atis kap patisipe nan seremoni a nou jwen Mick Jagger ak ansyen vedèt Beattles Paul McCartney.

Responsab yo nan Detroit Lions revoke antrenè, Steve Mariucci, kèk manb pami pèsonèl la nan sa ki sanble movèz pèfòmans ekip la renmèt nan Lig la ak yon palmarès 4 viktwa 7 defèt. Mariucci ki pran tèt ekip la depi 2003 gen yon palmarès jeneral 15 vikwa 28 defèt, rete plis pase 2 zan nan kontra 25 milyon dola li gen ak ekip la.

XS
SM
MD
LG