Accessibility links

Breaking News

Brezil Toujou Numewo 1 Mondyal--Arjantin Pèdu Pye


Football

Brezil toujou nan tèt klasman jeneral la--- Klasman ke FIFA publiye jodi mèkredi-a. Republik Tchèk ki kalifye nan match baraj-yo pou mondyal 2006-la ann Almay klase 2 zièm devan la Oland, Arjantin, Frans, Espay, Meksik, Etazuni, Angletè ak Portugal, ki prezante Top Ten-an . Sa ki enteresan sè tout ekip Top-Ten-nan kalifye pou Mondyal-la. Trinidad and Tobago, kap fè premye vwayaj li nan yon koup du mond klase 51 nièm. Ayiti an 91e pozisyon. FIFA ap publiye dènye klasman pou ane-a le 19 desanm.

Minis des Spò peyi Lafrans-la Jean-Francois Lamour deklare li pa kwè entèdi im nasyonal-yo anvan rankont entènasyonal-yo ap redui vyolans nan stad-yo. Mesye Lamour presize, moun pa vinn vyolan paske yo tande im nasyonal yon lòt peyi. Li ajoute,youn nan pi bon solusyon-an se kembe ouligan-yo lwen stad-yo. Komantè sa-yo vini yon jou apre Sepp Blatter, prezidan FIFA-a te sugjere pou yo pa jwe im nasyonal avan match entènasyonal-yo. Yon pòt pawòl FIFA presize kòmantè mesye Blatter se te “ sèlman des opinions personnelles”. Pral gen diskusyon fòmèl sou kesyon-an nan nivo komite egzekutif òganizasyon-an. Tout deba sa-yo ap fèt apre ensidan ki te rive nan stad Istanboul-la apre match kalifikatif Mondyal 2006-la ant Turki e La Swis .

Balon te woule yè swa sou kontinan Europeyen an nan Lig dè chanpyon nan okazyon 5e e avan dènye jounen konpetisyon-an . Bayern Munich danse sou Rapid de Vyèn 4 a 0 pou l kalifye pou pwochen tou a. Juventus de Turen ranpòte yon vitkwa 1 a 0 devan FC Brugges pou-l travèse kap premye tou a. Ajax Amsterdam ranpòte yon viktwa tou mens 2 a 1 devan Sparta de Prag pou l kalifye. Barselòn, ki te deja kalifye woule Werder de Brem 3 a 1 ak yon gran e briyan Ronaldinyo ki fè yon gòl e ki voye fè 2 lòt gòl-yo. Manchester United fè match nul 0 a 0 a Villareal . Epi Lille fè match 0-0 ak Benfica de Lisbòn. donk Lile pral chèche kalifikasyonn kay Vilareal nan 2 semèn. Jodi a tounwa ap kontinue ak posibilite pou Chelsea , Liverpool, Inter de Milan, PSV Eindhoven jwenn tikè pa yo pou pwochen tou a. Milan AC bezwen yon viktwa lè lap jwe an deplasman lakay Fenerbach. Real madrid apjwe kont Lyon pou premye nan Gwoup F-la. Ekip ki klase 3 zièm nan chak group ap kalifye pou patisipe nan Koup Unyon Football Europeyen an. Jodi a ak demen se 3e jounen Koup UEFA-A.

Yon lòt kote federasyon football Alman an ap chache suspansyon yon abit pou 9 mwa akoz li te denonse yon konfrè l li kwè ta mele nan eskandal kout lajan anba tab-la ansanm ak ansyen abit Robert Hoyzer

NBA

Denver Nuggets ranpòte yon viktwa tou mens devan Washington Wizards 108 a 105 gras ak yon dènye efò Marcus Gamby fè pou bloke yon tantativ 3 pwen Gilbert Arenas te fè nan kèk sekond avan fen tan reglemantè a. Defèt ki mete Washington ak yon palmarès 5 viktwa 5 defèt aloske Denver Nuggets gen yon palmarès 7 viktwa kont 5 defèt. Aswè a Washington Wizards ap rankontre ak Orlando.

Nan lòt rankont ki jwe yè swa Cleveland Cavaliers tronse Boston Celtics 115 a 93. Portland Trail Blazers woule Memphis Grizzlies 95 a 87. Dallas Mavericks te rankontre kèk pwoblèm ak Houston Rokets. Phoenix Suns ranpòte yon viktwa tou mens devan Toronto Raptors 90 a 82 epi Utah Jazz danse sou Seattle Supersonics 93 a 87.

Atletisme

Yon group 150 kourè Sud Koreyen rive nan kapital Kore du Nò a Pyongyang pou patisipe nan yon mini- maraton ak objektif pou ankouraje ankouraje rekonsilyasyon ant 2 Kore yo. Apre konpetisyon an atlèt Sud Koreyen yo ap fè yon virewon nan zòn istorik kapital la. Maraton an antre nan kad 60 tièm anivèsè liberasyon Kore sou tutèl Japonè. Delegasyon an ap retounen nan peyi l Samdi.

XS
SM
MD
LG