Accessibility links

Balon pral Mate sou Kontinan Europeyen an


Football

Jodi madi-a ak demen mèkredi-a nou pral suiv bon boul nan okazyon 5e jounen Chanpyona Lig dè chanpyon Europeyen . 2 premye nan chak group yo ap kalifye pou pwochen tou a e 3 zièm -yo ap kalifye pou Koup UEFA-a . Klub ki deja gen tikè yo pou Lig Chanpyon-an se Real Madrid ak Lyon ki pral jwe demen nan Gwoup F-la pou premyè plas-la. Lòt kalifye ankò se FC Barselòn ak Arsenal.

Situasyon ekip nou pral site la yo poko klè Juventus de Turen, Inter de Milan, Bayern de Munick, Ajax Amsterdam, PSV Eindhoven, Villareal, Liverpool,Lille ak Chelsea kapab kalifye pou pwochen tou a akondisyon yo fè yon nul ou byen yo ranpòte yon viktwa. Pi bèl afich pou jounen an definitivman se Barselòn kont Veder de Brem.

Chef sèvis medikal Real Madrid-la , doktè Alfonso del Corral fè konnnen jodi madi-a atakan madrilèn Raul, ki te blese nan jenou samdi ki sot pase la-a pandan match kont Barselòn , wi Raul ap deyò teren omwen pou 2 mwa. Ki donk lap gentan rekupere pou Mondyal-la kontrèman ak bri kap kouri nan lari Madrid. Doktè del Corral, pandan konferans de près-la, presize yap tann 2 semèn anvan yo deside si wi ou non yap opere Raul. Raul , kapitèn Real ak seleksyon espayòl , te prezan nan konferans-la ak bekiy e li deklare li gen konfyans nan medsen Real-yo.

Joseph Blatter, prezidan FIFA-a , anvizaje pou suprime im nasyonal nan kòmansman match entènasyonal-yo . Li sugjere tou pou yo ta fè rankont de baraj-yo dewoule sou yon teren neut , yon kote responsab-yo kapab retabli lòd kontrèman ak sak te pase pandan match Suis- Turki-a nan Istanboul.

Yon lòt kote ansistan antrenè seleksyon Turk la Mehmet Ozdilek demisyone apre patisipasyonn nan zak briganday pandan match de baraj retou ant la Turki ak la Swis. FIFA ap ankete sou ensidan an. Prezidan FIFA a Sepp Blatter fè konnen òganizasyon football entènasyonal la kapab radye la Turki nan eliminatwa koup du mond Afrik du Sud 2010 la.

Dopaj

Ajans Anti Dopaj Mondyal la kritike FIFA ki pa fè anpil efò pou adopte kòd anti dopaj òganizasyon anti dròg mondyal la 7 mwa avan dewoulman koup du mond Almay 2006 la. Nan Kongrè FIFA ki sot dewoule nan an Septanb FIFA te anonse règleman FIFA yo konfòm ak règleman Ajans Anti Dopaj Mondyal la.

Ajans Anti Dopaj Mondyal la anonse komite òganizasyon an seleksyone vil Madrid pou òganize 3 konferans mondyal sou dopaj nan spò an Novanm 2007. Premye konferans entènasyonal la te dewoule nan vil Lauzann an Swis an 1999. Responsab ak espè yo pral ekzamine lut kap men-nen kont utilizasyon dròg nan spò pandan yap mete an plas etap ki dwe franchi pou kontinye lut la.

NBA

San Antonio Spurs ranpòte 4 trièm viktwa afile yo apre yo fè anpil efò pou kale Sakramento Kings 96 a 93. Tony Paker make 23 pwen pandan ke Tim Duncan ajoute 22 pwen epi trape balon an 19 fwa nan viktwa a. Nan yon lòt rankont sere/sere Golden State Warriors ranpòte yon viktwa 100 a 97 devan New Jersey Nets nan yon rankont ki pat fasil. Utah Jazz wouze Milwaukee Bucks 100 a 80 epi Philadelphia 76ers pat bay New Orleans Hornets oken chans pou -l respire ak yon viktwa 103 a 91.

Tennis

Nan tenis Kwasi ak slovaki anonse konpozisyon ekip ki pral jwe final Koup Davis-la soti 2 pou 4 desanm. Ansyen chanpyon Wimbledon-nan Goran Ivanicevitch twouvel nan ekip slovak-la . ( Li te kite sa gen 4 tran). Lòt jwè-yo se :Ivan Ljubicic, Mario Ancic AK Ivo Karlovic. Kay Slovaki, nou jwenn Dominik Hrbaty, Karol Beck, Michal Mertinak Ak Karol Kucera. 2 ekip sa-yo ap patisipe nan premye final Koup Davis nan istwa-yo.

XS
SM
MD
LG