Accessibility links

Prezidan Bush Deside Nonmen Janet Ann Sanderson Anbasadè Etazini nan peyi Dayiti


Prezidan George W. Bush anonse lendi entansyon l' pou l' nonmen yon nouvo pèsonalite kòm reprezantan Etazini an (n) Ayiti e ajoute yon lòt manm nan gouvènman li an. Prezidan an vle nonmen Janet Ann Sanderson, moun Eta Arizona, kòm anbasadè ekstraòdinè Lèzetazini nan peyi Dayiti avèk tout pouvwa ak privilèj ki mache ak tit sa a.

Anbasadè Sanderson--ki gen yon long karyè nan Sèvis Depatman Afè Etranjè a, se anbasadè-rezidan nan Univèsite Berkeley nan Eta Californie. Anvan sa, li te okipe pòs anbasadè nan peyi Algérie e l' te asistant Chèf misyon diplomatik nan vil Aman, nan Jordanie. Li te travay tou nan vil le Kèr (Egypte) ak nan vil Amman (Jordanie) kòm konseyè afè ekonomik. Nan koumansman karyè li, anbasadè Sanderson te okipe pòs ofisye ekonomik nan Kowait ak nan Tel-Aviv (Israel) e l' te travay tou kòm ofisye konsilè nan vil Dacca (Bangladesh). Madan Sanderson genyen diplòm Bachelyè nan William and Mary College e l' genyen yon metriz nan Naval War College.

Prezidan Bush gen pwojè plase tou David Barrett Cohen (moun Eta Californie) kòm reprezantan Etazini bò kote Kominote Pasifik la pou yon peryòd 2 zan.

XS
SM
MD
LG