Accessibility links

Breaking News

Meksik Ranpòte Koup du Mond Kadè a


Football

Pou la premyè fwa Meksik ranpòte chanpyon du mond Kadè a ki tap dewoule O Pewou apre li pilon-nen Brezil 3 a 0 devan 40 mil fanatik ki te fè deplasman an. La Oland kale La Turki 2 a 1 pou konsole l ak 3 zièm plas la.

Lyon kale Rennes 3 a 1 pou l rete nan tèt chanpyona lig premyè divizyon franse a. Real Madrid geri bosko l sou Majorque 4 a 0. Barselòn fè match nul 2 a 2 ak Saragosse. An Angletè Chelsea pilonen Liverpool 4 a 1 nan chanpyona premyè divizyon chanpyona a. An Itali Juventus de Turen kale Inter de Milan 2 a 0 pou-l konsève tèt klasman jeneral la apre 6 zièm jounen Seri A a ak 18 pwen.

Ansyen vedèt football angle, George Best nan swen entansif pou rezon enkonu. Ansyen footballè lejandè Irland du Nò ki te konn jwe nan Manchester United te kòmanse bwè kleren apre li te abandone football. An 2002 msye te resevwa yon fwa men te rekòmanse bwè kleren malgre doktè yo te avèti l li kapab pèdu la vi l si l kontinye ap bwè tafya.

Tribunal superyè spotif Brezilyen pase lòd pou Konfederasyon Football Brezilyen rejwe 11 match lig la akoz yon abit te kèk kout siflèt an favè yon seri de klub. REsponsab yo ap rejwe tout matcha abit Edilson Pereira Carvalho, ki nan sant skandal la, te abitre nan chanpyona a. Washington Redskin ranpòte 3 zièm viktwa afile l yè Dimanch la gras ak yon kou fran 3 pwen yo make an pwolongasyon pou kale Seattle Seahawks 20 a 17. New England Patriots subi premye defèt li apre 22 match a domisil lèl tonbe devan San Diego Chargers 41 a 17. Nan premye match ki jwe an deyò Etazuni pandan sezon regulye a Arizona Cardinal tronse San Francisco 49 ers nan Meksiko Citi kote plis pase 100 mil fanatik te asiste rankont la ki te dewoule nan Stad Azteca a.Philadelphia Eagles ranpòte yon bèl viktwa devan Kansas Citi 37 a 31.. Indianapolis Colt, Tampa Bay Buccaneers ak Cincinnati-yo tout ranpòte la vikwa. Aswè a Green Bay Packers prale lakay Carolina Panthers nan kad match ki jwe chak Lendi swa.

Tennis

Swis Roger Federer ranpòtre tounwa tenis TAiland la apr eli pase Bretanik Andy Murray 2 kout rakèt 6-3, 7-5 pou l mete a 24 kantite tit li ranpòte e amelyore karyè l ak 77 viktwa 3 defèt. Chinwa Yan Zi ranpòte tounwa tenis Internasyonal feminen ki tap dewoule lakay li. Rus Igor Andreev ranpòte tounwa tenis Palerme Internasyonal la apre li kale Italyen Folipo Volandri malgre li pa tèt de seri tounwa a.

Najè ameriken Erica Watts aksepte pou l purje 2 zan suspansyon apre li te teste pozitif pou uzaj dròg methylphenidate nan dewoulman konpetisyon natasyon Fort Myers eta Florid.

Kourè cheval Irlandè Kieren Fallon ansanm ak cheval Hurricane Run ranpòte konpetisyon Pri de L’Arch de Trionphe nan vil Pari--konpetisyon ki pi prestijye sou kontinan Europeyen an.

Cyclisme

Komisè gouvènman yo nan vil Brusèl an Bèljik akuze ofisyèlman ansyen chanpyon siklis Johan Museeuw pou posesyon yon dròg entèdi EPO ak Aranesp ansanm ak lòt dròg pandan ete 2003 lè msye te prèske ranpòte koup du mond Siklis la. Federasyon Bèlj la te suspnn Musseeuw pou 2 zan pou patisipasyonn nan skandal la. Museeuw, ki pran retrèt li an 2004, di li pa fè anyen ki pa sa. Pati konsène yo gen pou ale devan tribunal 11 Oktòb.

XS
SM
MD
LG