Accessibility links

Breaking News

D.C. United Elimine nan Kopa America a


Football

D.C. United elimine nan Kopa Amerika apre yo tonbe devan Univèsidad Katolika 3 a 2. Ameriken yo penyen lage apre yo tap men-nen 2 a 0.

Kosta Rika tronse Perou 2 a 0 pou l kalifye pou kar de final chanpyona du mond Kadè kap dewoule O Perou-defèt ki vle di Perou elimine. La Chin kalifye tou apre li fè match nul 1 a 1 ak Gana. Turki kale Meksik 2 a 1. Nan kar de final la La Chin ap rankontre Turki Dimanch pandan Meksik pral fè fas ak Kosta Rika.

Real Madrid reveye nan chanpyona Espay la apre li kale Atletico de Bilbao 3 a 1. An Itali Juventus de Turen pral jwe lakay Parme. An Frans FC Nantes kote nou gen konpatriòt nou Pierre Jean Jacques ap rankontre ak Lyon. An Almay Hambourg pral chache wè si l ta kapote Bayern de Munick nan chanpyona alman nan moman yon machan kleren pwomèt pou l fanatik premye ekip ki mete do yo a tè 10 mil lit byè ak posibilite pou ogmante mil lit byè an plis chak fwa ekip la ranpòte yon viktwa.

Konfederayon footbal Azyatik la aksepte demisyon vis-prezidan òganizasyon an Asad Taqi ki te anonse demisyonn depi semen pase a pou absanteyism.

Basketball

Seleksyon basketball maskulen franse kalifye pou semi final chanpyona basketball Europyen an apre li elimine chanpyon sòtan an Lituani 63 a 47. La Grès kalifye tou apre viktwa tou mens yo ranpòte devan la Rusi 66 a 61. Jodi a Sloveni ap rankontre ak Almay ekip Kwasi fas a Espay.

Tennis

Arjantin ap akeyi Slovaki pandan ke la Rusi ap vizite Kwasi nan semi final koup Davis la. Venkè semi final la ap rankontre an final le 2 Desanm ane sa a.

Yon lòt kote Swis Roger Federer kale san difikilte Ekosè Alan Mackin 6-0, 6-0, 6-2 nan kad faz final pou yon plas nan group Mondyal Koup Davis la. Belj Olivier Rochus kale ameriken James Blake pou l bay Beljik 1 a 0 devan Etazuni nan group klasman mondyal la .

Espayòl Anabel Medina Garrigues kale Slovèn Masa Zec Peskiric 6-1, 6-2 pou l kalifye pou kar de final tounwa tenis feminen Open Sloveni a. Ameriken Meilen Tu elimine Tchèk Iveta Benesova 6-4, 2-6,6-4.

Ameriken Venus Williams kraze yon kite sa nan kar de final tounwa tenis Peken an akoz yon blesu nan jenou. Rus Anastasia Myskina ak Elena Likhovsteva kalifye pou kar de final tounwa tenis an sal kap dewoule nan Kalkuta an End.

Cyclisme

Irlandè Pat McQuaid elu kòm nouvo prezidan Unyon Siklis Entènasyonal la pou yon manda 4 tran. Siklis Ostralyen Michael Rogers ranpòte pou yon 3 zièm ane konsekutiv kous kont la mont chanpyona du mond siklis kap dewoule an Espay. Siklis Bulgar Bogdan Stoytchev ak Ivailo Gabrovski entèdi pou pa patisipe nan konpetisyon an apre yon tès sanguen yo fè ki pozitif.

Boxe

Boksè Ukrenyen Wladimir Klitschko ak Nijeryan Samuel Peter pral mare batay demen Samdi a nan Atlantik City--pa gen oken tit an je. Boksè ameriken Leavander Johnson mouri apre blesu li te resevwa pandan yon match nan Las Vegas semen pase a.

Klike sou ralonj ki sou tèt atik sa a pou tande repòtaj espesyal la!

XS
SM
MD
LG