Accessibility links

Breaking News

Ostrali Anonse Plan pou l òganize koup du Mond Football an lan 2018


Football

Federasyon football Ostrali a anonse entansyonn pou l poze kandidatu l pou òganize koup du mond football la an lan 2018. Responsab yo fè deklarasyon an apre yo echwe nan tantativ yo tap fè pou òganize konpetisyon an tandèm ak Nouvèl Zeland. Responsab yo di yo kapab pran yon lòt chans an 2022 si yo echwe.

Otorite football Europeyen yo suspann pou 2 match footballè Angle Wayne Rooney apre li te resevwa yon katon wouj semen pase a nan okazyon rankont ant Manchester United ak klub espayòl Villareal. Manchester United di li pa prale an apèl ak desizyon an. Sa vle di Manchester pap gen sèvis Rooney nan 2 pwochen rankont ekip la gen pou jwe kont Benfika de Lisbòn le 27 Septanb ak klub franse Lille le 18 Oktòb. Rooney gen pou l purje yon lòt suspansyon lè Angletè gen pou rankontre ak Otrich 8 Oktòb nan kad match kalifikatif koup du mond pou zòn Europeyen an.

Dirijan football Europeyen yo pami Lennart Johansson ak Michel Platini figure pami pèsonalite spòtif ki te asiste odyans souveren Pontif la Pap Benoit XVI bay nan Vatikan. Souverent Pontif la di si spò pratike nan respè li kapab sèvi kòm mwayen pou eduke e montre enpòtans valè umen. Michel Platini se youn nan kandida kap chache ranplase Lennart Johansson nan tèt Unyon Football Europeyen an an lan 2007.

Ajans Antidopaj Mondyal la di FIFA pa respekte konplètman kod anti dopaj mondyal la malgre modifikasyon yo fè nan règleman entè n yo. AMA di li pral mande Tribunal Abritraj Mondyal la konsèy juridik avan li rapousib ak dosye a. Komite òganizatè koup du mond Almay 2006 la eksprime enkytud yo apre antrepriz ki responsab pou ranplase pelouz stad Berlen an di li pap gen ase tan pou l fè travay la. Dapre nouvèl yo antrepriz ki chaje pou ranplase pelouz la apre gala FIFA fini le 8 Jwen di delè 4 jou a twò piti. Stad Olenpik Berlen an ap akeyi 6 match pami yo final la ki fikse pou 9 Juyè.

Sizièm jounen Bundechliga-a , 6 viktwa pou Bayern de Munik . Li kale an deplasman Eintract Franfort 1 a 0 pou rete nan klasman-an. Nan lòt rankont ankò, Volfsborg kale Hanovre 4 a 2 ; Boroussya Moechen Gladbak ranpòte la viktwa sou Verder de Brem 2 a1 . 6e jounenn ap kontinue jodi mèkredi-a sutou ak dè afich tankou Soutgart kap akeyi FC Hambourg. Nuremberg - Schalke 04 ; Bayer Leverkusen - Cologne.

Tennis

Jwè tenis Italyen Silvia Farina subi yon defèt nan tounwa tenis Sloveni a. Manmzèl tonbe devan alman Vanessa Henke ki pa tèt de seri tounwa a, 6-1, 6-7, 6-3.

Amerikèn Serena Williams subi jodi mèkredi-a youn nan pi move defèt nan karyèl nan okazyon 2e tou tounwa Peken-an. Chinwaz Sun Tian-Tian kale Serena an 2 sèt : 6-2, 7-6. Serena ki se chanpyon antit-la pèdu Tian-tian ki 127e mondyal. Yon lòt kote, Lindsay Davenport deklare fòfè akoz yon chòk. Yon fòfè kap rann situasyon pi fasil pou Vénus Williams ki pral jwe demen jedi-a rankont 2e tou-l-la.

Jeux Olympics

Òganizatè je zolenpik Divè Turen yo an Itali publiye detay sou relè tòch olenpik la kap limen nan Tanp Hera an Grès 27 Novanm-lap travèse la Grès pandan 10 jou avan li kòmanse yon vwaya kap kouvri mil 990 kilomèt avan li rive nan vil Ròm le 7 Desanm. Maratonyen Italyen Stefano Baldini ap kòmanse relè a kap dure 64 jou e lap kouvri 11 mil kilomèt avan li rive nan vil Turen kote konpetisyon an ap dewoule soti 10 pou rive 26 Fevriye 2006.

Basketball

Almay woule Turkey 66 a 57 pou l kalifye nan kar de final chanpyona basketball Europeyen an. Alman Dirk Nowitzki make 33 pwen nan viktwa alman yo. Kwasi kalifye tou apre li pase sou Itali 74 a 66. La Frans fren-nen òganizatè konpetisyon an Sèbi e Montenegro ak yon viktwa tou mens 74 a 71. La Grès te fè anpil efò avan li kale Izrayèl 67 a 61. Sloveni ak Espay kalifye dirèteman apre yo fini an premye nan group yo a. Nan kar de final la kap kòmanse demen La Rusi ap rankontre ak la Grès. Lituani pral mate balon fas al la Frans. Vandredi Amay pral tope kò n li fas a Sloveni pandan ke Kwasi ap rankontre ak La Espay.

Cyclisme

Feyton akuzasyon dopaj sou Lance Armstrong-nan poko fini. Dènye epizòd ki soti-a fè konnen, Asosyasyon federasyon Entènasyonal jeu dete-yo made Ajans Mondyal anti dopaj-la pou kanpe travay laboratwa depistaj poutèt li te publiye enfòmasyon sou swa dizan dopaj siklis ameriken Lance Armstrong. Yon komunike di laboratwa-a vyole etik-la

XS
SM
MD
LG