Accessibility links

Breaking News

Spò Aktyalite 8/30/05


Football

Atakan seleksyon angle Michael Owen dakò pou -l kite Real Madrid pou l al jwe nan Newcastle kap evolye nan chanpyona premye divizyon angle a. Menm lè Newcastle pa revele montan transfè a men yo fè konnen yo bat rekò 26 milyon 900 mil dola yo te peye pou transfè Alan Sherer. Nouvèl Britanik yo rapòte transfè a ta koute prèske 30 milyon dola. Owen gen pou pase yon tès medikal jodi a--si tout bagay mache byen lap pote mayo numewo 10 klub la.

Direktè yon klub football nan prizon anba akuzasyon li te lage nan men yon abit plis pase mil dola pou panche balans rezulta match bò kote l. Arestasyon sa a vle di klub la kapab desann nan 2 zièm divizyon.

An Almay chèn televizyon peye alman Premye achte dwa pou l retransmèt an dirèk nan peyi a tout rankont Lig dè chanpyon Eropeyen an juskan 2009. Menm lè responsab yo pa bay pri kontra a--sous ki familye ak negosyasyon yo di chèn televizyon an kapab peye juska 200 milyon dola. Unyon Football Europeyen an mande chèn televizyon an pou l retransmèt 13 rankont par sezon sou yon chèn gratis pou fanatik ki pa kapab peye pou asiste rankont yo nan televizyon

Tennis

Tounwa tenis US Open nan ap rapousib jodi a nan Flushing Meadow nan New York ak viktwa chanpyon sòtan an Swis Roger Federer ranpòte devan Tchèk Ivo Minar 6-1, 6-1, 6-1. Britanik Tim Henman te bezwen 3 kout rakèt pou l elimine espayòl Fernando Verdasco 6-4, 6-2, 6-2.. Franse Sebastien Grosjean ak ameriken Vince Spadea kalifye pou pwochen tou a.

Bò kote meda m yo Jelena Jankovic pat rankontre twòp difikilte pou l kale Tchèk Denissa Chladkova 7-5, 6-4 pandan ke Japonè Shinobu Asagoe woule franse Stephanie Cohen-Aloro ak kout rakèt 6-1, 6-4. Ameriken Alexa Glatch ranpòte la viktwa tou.

Gymnastics / Romani

Federasyon Jymnas Woumen an disoud ekip jimnastik feminen an apre 2 meyè atlèt seleksyon an abandone kan dantrenman an san pèmisyon pou yo tap patisipe nan yon fèt. Antrenè Jymnas la te mande federasyon an pou l te anule kontra li genyen ak atlèt yo men federayon an chwazi retounen atlèt yo nan klub yo.

Cyclisme

Siklis Italyen Alessandro Petacchi ranpòte 4 trièm etap kous bisiklèt Tour dEspay la. Ostralyen Bradley MCGee toujou nan tèt klasman jeneral la ak 32 sekond devan Italyen Leonardo Brtagnoli.

Sendika siklis entènasyonal la anonse plan pou l ankete sou tès dròg ki te fèt pandan kous bisiklèt Tour de Frans la an 1999 men li pa non-men ankèt la vize ameriken Lance Amstrong ki nan sant yon akuzasyon kòm kwa li ta pran dròg ki te ede l ranpòte konpetisyon an pou la premyè fwa an 1999-akuzasyon Armstrong rejte.Sendika a anonse lap publiye rezulta ankèt la disi 10 jou.

Federasyon Atletis Amatè Entènasyonal la rapòte te gen 2 tès pozitif sou yon total 708 yo te fè pandan chanpyona du mond Atletis ki sot dewoule nan Helsinki Findland. Lansè mato Ukrenyen Vladyslav Piskunov ak lansè de disk endyen Neelam Jaswant Singh teste pozitif--otorite yo ap revize tès yo.

Kourè cheval Brezilyen Rodrigo Pessoa resevwa meday dò Olenpik Atè n 2004 yo yon lane apre li te ranpòte meday darjan nan je yo. Msye ranpòte meday dò a apre kourè cheval kourè Irlandè Cian O Connor te bay cheval la yon dròg. O’Connor di se manti li pat fè koken li te sèlman bay cheval la yon medikaman pou trete yon blesu. Ameriken Chris Kappler pran meday d’arjan epi alman Marco Kutscher pran meday de bronz la.

XS
SM
MD
LG