Accessibility links

Spò Aktyalite 8/26/05


Haiti Judo

Plizyè dizèn judoka ayisyen kategori Juniò kase rande vou nan Pòtoprens kote yo pral patisipe nan eliminatwa chanpyona du mond Judo ki gen pou dewoule an Republik Dominikèn ane pwochè n. Nou te pale ak prezidan Federasyon Judo ayisyen an Ernst Laraque Senior.Klike sou ralonj ki sou tèt atik la pou tande entèviou a

Basketball

Seleksyon nasyonal basketball Etazuni an ranpòte yon viktwa de justès devan Brezil 96 a 94 nan kad eliminatwa koup du mond basketball kap dewoule nan Santo Domingo. Gen 10 peyi ki soti nan Amerik yo ap patisipe nan konpetisyon an. 4 premye yo ap kalifye pou reprezante rejyon an nan chanpyona du mond basketball ki gen pou dewoule an Arjantin ane pwochèn. Arjantin deja kalifye akoz yo te ranpòte meday dò nan Je zolenpik yo.

Tennis

Ameriken Lindsay Daverport kalifye pou semi final tounwa tenis Pilot Pen nan kap dewoule nan New Haven Connecticut gras ak 2 kout rakèt li pase Slovak Daniela Hantuchova 6-2, 7-6. Davenport ki se numewo 2 mondyal, pral rankontre ak Rus Anna Chakvetadze. Bò kote mesye yo Chilyen Fernando Gonzalez monte yon maswife pou l tonbe devan espayòl Fernando Verdasco 6-7, 7-5, 7-6 pou l kalifye pou kar de final tounwa a.

Armstrong / Dopaj

Siklis ameriken Lance Armstrong, ki ranpòte kous bisiklèt Tour de Frans la 7 fwa afile kontinye defann tèt li kont akuzasyon ki publiye nan jounal spòtif franse L’Equipe,kòm kwa li te konsome dròg an 1999 --ane li te ranpòte konpetisyon an pou la premyè fwa. Armstrong mete an dout rezulta analiz yo ki te fèt nan yon laboratwa franse

XS
SM
MD
LG