Accessibility links

Breaking News

Spò Aktyalite 7/12/05


Cyclisme Tour de France

Ameriken Lance Armstrong repran mayo jonn nan nan okazyon premye etap nan mòn nan ant Grenoble e Courchevel. Ameriken an fini 2 zièm dèyè espayòl Alejandro Valverde . Danwa Rasmussen ki rive an 3e , okupe 2e pozisyon nan klasman jeneral la dèyè Armstrong e devan italyen Basso.

Yon lòt kote , rus Evgeni Petrof te jwenn entèdiksyon pou-l pat reprann kous-la jodi-a apre tès sangin-yo montre yon anomali . Evgeni te an 45e pozisyon nan klasmannjeneral-lka. Ansyen majo jon , alman Jens Voigt ak gran fovori-a e aktuèl mayo jon-nan ameriken Lance Armstrong te subi tès la tou avan etap nan montay la. Rande vou demen mèkredi a pou 11e etap la ant Kourchevel e Brianson kap kouvri muyon distans 173 kilomèt.

Siklis Sud Afriken Michael van Staden resevwa yon suspansyon 6 mwa apre li teste pozitif pou uzaj dròg E-P-O. Van Staden, ki gen 16 zan, se pi jèn siklis ki teste pozitif pou uzaj anabolizan.

Olympic 2012

Nap rete an Frans nan vil Paris Majistra vil la Bertrand Delanoe, malgre kritike kèk manm nan klas politik fransèz-la , malgre demanti prezidan komite olempik entènasyonal Jacques Rogge, wi Bertrand De lanoe reafirme jodi a ankò , Londr vyole lwa olempik yo pou ranpòte dwa pou l òganize jeu zolempik 2012 yo.

Football

Real Madrid prezante jodi a film sinema la ki rele “ Real, la pelicula ”( Real , Film nan ). Prezidan klub la Florentino Perez, ki te pran la pawòl nan stad Santiago Bernabeou, deklare Real se pyonye nan zafè sinema. Li te gen avè l nan okazyon an , antrenè brezilyen-an Vanderlei Luzxembourgo ak kèk vedèt nan ekip la tannkou Zidane, Gravesen, Casillas, Helguera . Film nan rakonte istwa 5 pèsonaj kap viv nan Madrid, New York, Tokyo, Crakas ak Ziguinchor (Senegal ). Football

Klub football espayòl Real Madrid ap kòmanse yon toune Ozetazuni le 16 Juyè ak patisipasyon tout vedèt ekip la tankou Figo, Ronaldo, Zidane, Beckham, Michael Owen, Roberto Carlos ak Raul. 16 Juyè Real Madrid ap rankontre nan Chikago ak klub Meksiken Deportivo Guadalajara epi le 18 Juyè kont Los Anjeles Galaksi avan yo mete tèt an chin, Japon ak Tailand. Klub Angle Arsenal ezite pou l transfere footbalè franse Patrick Veira al jwe nan Juventus de Turen ki en poupale ak responsab yo.

Isit Ozetazuni Kolonbi ap rankontre ak Trinidad and Tobago, Honduras kont Panama. Etazuni kont Kosta Rika, Kanada kont Kuba nan kad koup dò KONKAKAF la.

Atletisme

Kourè ameriken Bernard Williams ak Monzavious Edwards pataje viktwa nan kous 100 mèt tounwa Gran Prix ki tap dewoule nan Zagreb an Kwasi. 2 ameriken fini ansanm ak 10 pwen 30 /100tièm sekond devan chanpyon sòtan an Kim Collins ki se moun Sen Kitts ak Navis. Nan kous 110 mèt Hè se Brezilyen Redelen dos Santos ki ranpòte l devan Jamayiken Maurice Wignall. Ostralyen Daniel Batman ranpòte kous 200 mèt maskulen an devan Jamayiken Omar Brown ak Gambyen Saisy Ndure Jysuma. Kous 3 mil mèt al jwen Ougandè Moses Kipsiro devan Etyopyen Bado Worku ak Kenyan Pius Muli.

Bò kote meda m yo ameriken Anjanette Kirkland pase devan konpatriòt li Danielle Carruthers nan kous 100 mèt Hè a. Franse Manuela Montebrun ranpòte lanse de pwa a epi ameriken Sarah Schwald fini an premye nan kous mil 500 mèt la devan konpatriòt li Amy Mortimer ak Jenlle Deatherage.

Tennis

Jwè tenis chinwa Yan Zi remonte yon defisi pou l kale Polonè Marta Domachowska nan premye tou tounwa tenis International kap dewoule an Itali 2-6, 7-6, 6-1. Franse Emilie Loit te bezwen 2 manch pou l kale Ukrenyen Alyona Bondarenko 6-2, 6-3 pandan ke Tchèk Zuzana Ondraskova woule ak kout rakèt Slovak Ludmila Cervanova 6-1, 6-3. Tounwa a ap kontinye jodi a.

XS
SM
MD
LG