Accessibility links

Breaking News

Dosye Spò 7/11/05


Tour de France

Siklis kap patisipe nan kous bisiklèt Tour de Frans la ap repoze yo avan yo kòmanse pedale nan mòn nan okazyon 10 zièm etap la kap kòmanse demen Madi a. Yè Dimanch la Danwa Mickael Rasmussen ranpòte 9 vièm etap la. Alman Jens Voigt nan tèt klasman jeneral la ak 1 minit 50 sekond devan franse Christophe Moreau. Ameriken Lance Amstrong, ki klase 3 zièm, di sa ki enpòtan se fini kous la an premyè pozisyon.

Olympics/ Rogge

Prezidan Komite Olenpik Entènasyonal la Jacques Rogge rejte akuzasyon ki ta vle fè konprann Premye Minis Tony Blair ta vyole règleman yo nan tantativ li tap fè pou te ede Lond jwen dwa pou l òganize je yo zolenpik dete 2012 yo. Se majistra vil Pari a Bertrand Delanoe ki pote akuzasyon yo lè l fè konnen msye Blair te kritike lòt vil kandida yo. Ofisyèl Pari yo te move tou apre msye Blair te rankontre an prive ak manb Komite Olenpik Entènasyonal nan yon otèl nan Sengapour nan yon jefò pou l te konvenk yo vote an vil Lond.

Football

Atakan seleksyon nasyonal football feminen ameriken Tiffeny Milbrett make 100 gòl nan karyè l pandan rakle 7 a 0 Etazuni pase Ukrè n nan kad yon match chofe jarèt ki tap jwe nan Portland Oregon.

Nan koup dò KONKAKAF la Honduras supran Kolonbi ak yon viktwa 2 a 1 yè Dimanch la nan Orange Bowl la nan Miami Florid. Panama fè match nul 2 a 2 ak Trinidad and Tobago. Rezulta ki bay Panama ak Honduras tikè pou kar de final la. Trinidad ak Kolonbi toujou gen chans pou yo kalifye kòm meyè 3 zièm. Nan group C a Jamayik fè match nul 3 a 3 ak Afrik du Sud nan Los Anjeles, Kalifòni- yon nul ki mete 2 ekip yon nan yon bon pozisyon pou kalifye pou kar de final la ak 4 pwen yo chak. Meksik, ki twonse Gwatemala 4 a 0, toujou nan kous la. Etazuni kalifye pou kar de final la apre viktwa 2 a 0 yo ranpòte devan Kanada.

Demen Madi a Kolonbi kont Trinidad epi Panama kont Honduras nan Miami epi nan Boston Etazuni kont Kosta Rika epi Kanada kont Kuba.

Ansyen antrenè seleksyon Holandè ak Kore du Sud Guus Hiddink figure pami kandida Federasyon football Ostrali a ap konsidere kòm nouvo antrenè ekip la. Hiddink te ede Sud Koreyen yo rive nan semi final nan koup du mond Japoon/Kore du Sud la an 2002.

Euro/ Foot

Responsab klub football angle Chelsea milyadè Rus Roman Abramovich sanble ta dispoze pou l ofri plis 130 milyon dola kòm frè transfè pou Brezilyen Ronaldhino ta kite Barselòn pou l vinn jwe nan Chelsea dapre jounal Italyen Corriere dello Sport. Ronaldhino, ki kòmanse jwe nan Barselon an 2003, ap negosye ak dirijan yo pou l pwolonje kontra l juskan 2010. Si transfè a fèt lap depase lajan Real Madrid te peye Juventus de Turen poul te jwen sèvis football franse Zinedine Zidane an lan 2001.

Yon lòt kote atakan seleksyon nasyonal Meksiken Jared Borgetti kap jwe nan Atletiko Pachuca ak brezilyen Claudio siyen yon kontra 2 zan ak klub football Sawoudyen Mansour Al-Balaoui pou plis pase 2 milyon dola. La Grès manifeste entansyonn pou l òganize koup dEuròp dè Nasyon an an lan 2012--Otorite yo pwomèt yap repare 6 sou yon total 8 stad pou akeyi konpetisyon an. 2 lòt stad ap konstrui ak fon prive.

Volleyball

Ajans Nouvèl Assciated Press rapòte Brezil ranpòte pou yon 3 zièm fwa chanpyona du mond volebòl la apre yo kale an final Sèbi ak Montenegro 14-25, 25-14, 25-19, 25-16. Kuba konsole l ak 3 plas la apre yo kale La Polòy.

Tennis / Classement

Maria Sharapova, franse Amelie Mauresmo, Rus Svetlana, Elena Dementieva konplete lis 5 premyè jwè tenis mondyal feminen dapre klasman ki publiye jodi a. Bò kote mesye yo Swis Roger Federer, Ostralyen Lleyton Hewitt, Espayòl Rafael Nadal, ameriken Andy Roddick ak Rus Marat Safin konplete lis 5 meyè jwè tenis mondyal maskulen mondyal dapre dènye klasman ki publiye jodi a.

Tennis

Britanik Greg Rudsedski ranpòte tounwa tenis ATP ki tap dewoule nan Newport Rhode Island apre li pase ameriken Vince Spadea 3 kout rakèt 7-6, 2-6, 6-4.

La Rusi ap rankontre ak la Frans nan final koup Konfederasyon an. La rusi elimine Etazuni pandan ke la Frans fè menmman parèyman fas a Espay.. Final la ap dewoule nan stad Roland Garos la nan vil Pari 17 e 18 Septanb.

XS
SM
MD
LG