Accessibility links

Spò Aktyalite 6/10/05


Football

Viktwa Arjantinn sou Brezil 3 a 1-an kite yon gou anmè nan mouch tout fanatik brezil-la. Gen brezilyen (ayisyen kon brezilyen) ki poko ka dijere defèt 3 a 1 sa-a . Sou menm dosye sa-a, seleksyonè brezilyen-an anonse jodi Ronaldo ap tounen nan ekip-la an septanm pou rankont Chili a. Ronaldo te evoke pwoblèm separasyon-nn ak ansyen fianse-l-la ak fatig pou-l pat jwe koup Konfederasyon an kap dewoule an Almay soti 15 pou rive 29 juin. Seleksyon Juniò ameriken gen yon gwo defi devann lè lap rankontre ak Arjantin nan ouvètu chanpyona du mond football Juniò kap dewoule nan la Oland demen Samdi a. Arjanten yo ranpòte koup du mond Juniò a 3 fwa nan 5 dènye konpetisyon an pandanke Etazuni poko janm ranpòte l. Ajanten yo ap konte sou prezans mitan teren an Lionel Messi kap jwe nan F-C Barselòn pandan ke Freddy Adu, kap jwe nan D.C United ap nan tèt seleksyon tonton Sam nan. Lòt peyi ki nan group la an plis de Etazuni ak Arjantin nou jwen Almay ak Ejipt.

Unyon Football Europeyen an ap pèmèt klub Angle Liverpool defann tit Lig dè Chanpyon Europeyen an ane pwochèn apre yo kalifye nan eliminatwa a kap kòmanse 12 Juyè. Dapre règleman UEFA a chanpyon lig dè chanpyon an pa kalifye otomatikman akoz li fini an 5 kièm pozisyon nan chanpyona lig football angle a. Liverpool dwe jwe 6 rankont kalifikatif avan li kalifye pou etap wo nivo a kap kòmanse an Septanb.

Tennis

Nan tounwa tenis almasy-al. suis Roger Federer(1) , rus Marat Safin kalifye. Yasp rankontre respektivman alman Tommy Haas ak arjanten Guillermo Canas.

NBA

Arjanten Manu Ginoboli make 26 pwen pami yo 15 nan dènye kadè a pou ede San Antonio Spurs kale Detroit Pistons 84 a 69 nan kad final seri 7 match pou detèmine chanpyon nasyonal NBA a pou sezon an. An Antonio ap akeyi Detroit Dimanch avan al jwe an deplasman lakay Detroit.

Olympics

Komite Olenpik Entènasyonal la bay vil New York yon chans pou l modifye tantativ lap fè pou -l òganize je zolenpik dete 2012 yo apre yon responsab eta a rejte pwopozisyon pou konstrui yon gwo stad nan Manhattan ki kapab koute anviwon 2 milya dola. Komite òganizatè a di yap konsidere plizyè lòt opsyon sou pwopozisyon konstruksyon stad la ki reprezante yon pyès enpòtan nan tantative vil la fè pou l òganize konpetisyon an. Komite Olenpik Entènasyonal la di vil New York kapab modifye plan an akoz vil pa kapab garanti stad li te pwopoze nan plan orijinal. Men komite ekzekutif òganizasyon an dwe aprouve chanjman an. Komite Olempik Entènasyonal la ap anonse vil kap òganize konpetisyon an le 6 Juyè nan Sengapour.

Boxe

Batay pral mare demen Samdi a isit Washington ant boksè ameriken Miken Tyson ak boksè Irlandè Kevin McBride.

XS
SM
MD
LG