Accessibility links

Aktyalite 3/18/05


Basketball Universitaire

16 rankont premye tou chanpyona nasyonal Univèsitè yo fini ak kèk supriz. Wisconsin-Milwaukee suprann Alabama 83 a 73 pandan ke Univèsite Alabama tronse Lousiana State University 82 a 68. Nan lòt rankont Tekzas Tech kale UCLA 78 a 66 pandan ke West Virjinya suprann Creighton 63 a 61. Boston College toupizi Pennsylvania 85 a 65. Nevada suprann Tekzas 61 a 57. Ilinois, Washington 2 tèt de seri ranpòte la viktwa. Wake Forest danse sou Chatanooga 70 a 54. Jodi a gen 16 lòt rankont pou make fen 32 zièm de final la.Duke ak North Carolina ap antre nan won an tou.

NBA

Miami Heat ranpòte 11 zièm viktwa fwa sa a devan Los Anjeles Lakers gras ak yon makaj sere Shaquille O’Neal fè Kobe Bryant 102 a 89. Lakers yo ap batay pou jwenn dènye plas ki disponib nan konferans de Lès la. Detroit Pistons pye pou pye dèyè Miami Heat nan konferans de Lès la. Dallas Mavericks te fè anpil efò pou l kale Portland Trail Blazers 98 a 94. Golden State Warriors suprann Sacramento Kings 100 a97. Orlando Majik revoke antrenè Johnny Davis apre ekip la pèdu 6 rankont afile-situasyon ki mete Majik nan yon lut ak Philadelphia Eagles pou dènye plas nan konferans de Lès la akoz 2 ekip yo a egalite 31 viktwa--33 defèt.

Football

Demen Samdi a Etazuni ap rankontre ak Honduras nan Alburquerque New Meksiko nan kad preparatif 2 ekip yo ap fè pou eliminatwa koup du mond Almay 2 mil 6 la ak koup dò kONKAKAF la. Rankont chofe jarèt ki te dwe jwe ant Honduras ak Trinidad and Tobago nan Hialeah, Florid 22 Mas anule pou rezon enkounu.

D-C United ap akeyi Pumas UNAM epi CF Monterey ap akeyi Deportivo Saprissa ki kale Kansas City Wizards 2 a 1 an pwolongasyon. Semi final la fikse pou 6 Avril.

Sou kontinan Europeyen an klub football Italyen Parme se sèl klub kap reprezante peyi a nan kar de final koup UEFA a gras ak yon viktwa 1 a 0 yo ranpòte devan Seville. Oksèr kalifye tou apre match nul 0 a 0 yo fè ak Lille. Tiraj osò a ap dewoule jodi a.

An Almay prezidan Komite òganizatè koup du mond Almay 2 mil 6 la Franz Beckenbauer pa ekate posibilite pou l poze kandidatu l pou l ta chache pòs prezidan Football Europeyen an dapre nouvèl ki publiye nan la près men pazavan aktyèl prezidan an Swedwa Lennart Johnson pa di aklè si l pral dèyè yon lòt manda. Michel Platini anonse li pral dèyè pòs Lennart Johansson nan. Dapre sous ki pwòch lig football ameriken footbalè Angle David Beckham kapab louvri yon akademi football nan fen ane nan Carson Kalifòni.

Athletics

Se jodi Vandredi a Federasyon Atletis Grèk la ap anonse desizyon sou dosye dopaj ki te enplike atlèt Grèk Costas Kenteris ak Ekaterini Thanou ansanm ansyen antrenè Christos Tzekos.

Tennis

Ameriken Lindsay Davenport kalifye pou semi final tounwa tenis Indian Wells la gras ak 2 kout rakèt li pase franse Nathalie Dechy 7-6, 6-0. Bò kote mesye yo Arjanten Guillermo Canas kalifye pou semi final tounwa a gras ak yon viktwa 7-6, 7-5 li ranpòte devan Britanik Tim Henman.

XS
SM
MD
LG