Accessibility links

Breaking News

Liban: Yon Delege L'ONU Mande Aplikasyon Rezolisyon 15-59 la


Minis afè etranjè libanè a, Mahmoud Hammoud, anonse ke yon komisyon militè Siri ak Liban mete sou pye pral reyini le 7 avril pou yo detaye plan retrè twoup siryèn ki nan Liban yo. Anba presyon entènasyonal, Damas deja kòmanse deplase sòlda l' yo pou li deplwaye yo nan pati lès Vale Beka a.

Pandansetan, anvwaye spesyal Nasyonzini nan Liban an, Terje Roed-Larsen, rankontre dirijan libanè yo pou yo te diskite sou plan gouvènman siryen an anonse konsènan retrè twoup li yo ak ajan sekrè li yo nan Liban. Nan ti koze diplomat la fè ak laprès, li pat vle pale sou enpas politik ki egziste ant gouvènman pro-siryen an nan Liban ak lidè opozisyon an. Msye Roed-Larsen di sèl misyon ni se fè aplike rezolisyon 15-59 Konsèy Sekirite L’ONU an e anyen dòt. Rezolisyon sa a, ke Lèzetazini ak Lafrans patwone, reklame retrè total e imedya 14-mil sòlda ak plizyè milye ajan ransèyman Lasiri genyen nan peyi Liban.

XS
SM
MD
LG