Responsab sivil Misyon Nasyonzini ann Ayiti swete pou gen yon meyè kolaborasyon ant Polis Nasyonal la ak sòlda òganizasyon entènasyonal la. Korespondan nou Renan Toussaint di nou deklarasyon sa a fèt nan moman genyen yon ti dife boule ant 2 fòs yo.
Anmenmtan, Juan Gabriel Valdes, renouvle angajman MINUSTAH pou li ede polis la konbat fenomèn ensekirite a k'ap vale teren depi 30 septanm ane pase. Msye Valdes te pale pandan yon seremoni ki t'ap make Jounen Entènasyonal Fanm yo nan Pòtoprens.