Accessibility links

Spò Aktyalite 2/24/05


Koup UEFA

32 klub Europeyen pral livre yon batay pou detèmine 16 pami yo kap kalifye pou 8 tièm de final match retou Unyon Football Europeyen an. Situasyon an diferan pou klub Otrichyen F-K Wien ak Atletiko Bilbao kap jwe match ale a jodi a akoz move tan te fòse responsab yo ranvwaye match ki te dwe jwe Mèkredi. Match retou a fikse pou Dimanch. Pami rankont kap jwe jodi a nou jwen klub Espayòl Valans kap rankontre ak klub Rus C-S-K-A Moskou. Ajax Amsterdam kont Auxèr. Ajax te ranpòte match ale a 1 a 0. Sporting Lisbon kont Feyenoord. Dinamo de Kiev kont Villareal. 8 tièm de final la ap demare 10 Mas epi final la fikse pou 18 Me.

FIFA / Blatter

Prezidan Federasyon Football Entènasyonal la Sepp Blatter di li vle pou gen abit pwofesyonèl nan football pou anpeche eskandal finansye tankou eskandal ki enplike abit alman Robert Hoyzer. Msye Blatter ki tap pale ak magazin alman Kicker, fè konnen abit pwofesyonèl se solisyon an akoz kantite lajan ki disponib nan football pwofesyonèl kote abit yo kapab touche plis pase 100 mil dola lan. Lig football franse ak Angle a anplwaye abit pwofesyonèl aloske lig alman, Italyen ak Espayòl pa gen abit pwofesyonèl.

Koup du mond /Almay 2006

Komite òganizatè koup du mond Almay 2 mil 6 la si tikè yo ap vann tankou pate cho. Dapre òganizatè yo yo gen vann plis pase 2 milyon tikè-plis kantite te mete sou mache a 1 Fevriye. Demand yo soti nan 176 peyi--96 pou 100 an Euròp e 85 pou 100 an Almay. Responsab yo di tikè pou final la deja finn vann

Football / MLS

Will Johnson, ki gen 18 tan, se yon adolesan kanadyen ki chwazi pa antre nan Univèsite pou l kapab vinn jwe nan Lig Football balonwon ameriken an. Johnson, ki pran nesans nan yon fanmi rich, di li te chita pale ak parann ansanm ak antrenè l avan li te pran desizyon pou l siyen yon konta ak Chikago Fire. Johnson se 3 zièm pi jè n jwè ki siyen yon kontra ak Chikago Fire. Otorite spòtif Kanadyen yo kontinye ap obsève prezans msye nan Chikago Fire. Johnson deja jwe 3 match pou seleksyon kadè Kanada e msye espere briye lè Kanadyen yo ap patisipe nan koup du mond kadè ki gen pou dewoule nan la Oland.

Nan Lig dè chanpyon Europeyen an klub Espayòl Barselon remonte yon defisi pou l kale klub Angle Chelsea 2 a 1 nan match ale 8 tièm de final la. Manchester United tonbe 1 a 0 devan Milan A-C gras ak yon gòl arjanten Hernan Crespo make nan fen 2 zièm mitan an. Chanpyon sòtan Porto fè match nul 1 a 1 ak Inter de Milan. Lyon woule Werder de Brem 3 a 0. Match retou a ap jwe nan 2 semen. Nan Karayib la se jodi a kwadrangulè final koup Digicel la ap fini nan Bermud kote pral gen yon duèl ant Bermud ak Trinidad and Tobago pou detèmine dènye reprezantan zòn Karayib nan Koup dò KONKAKAF la ki gen pou dewoule isit Ozetazuni. Kuba ak Jamayik, ki deja kalifye, pral woule balon pou konnen ki lès pami yo kap fini an premyè pozisyon e resevwa pri 100 mil dola ameriken. Seleksyon Bermud la konprann nesesite pou yo ranpòte la viktwa akoz yon match nul ap an favè Trinidadyen yo.

NBA

Lebron James ak Zydrunas Ilgauskas make ansanm 60 pwen pou ede Cleveland Cavaliers danse sou Chikago Bulls 100 a 91. Washington Wizards byen demare 2 zièm mwatye sezon an apre viktwa 93 a 83 yo ranpòte devan Memphis Grizzlies--viktwa ki mete fen nan 3 defèt afile Wizards yo sot subi. Kobe Bryant make 31 pwen pou ede Los Anjeles Lakers ranpòte yon viktwa de justès devan Portland Trail Blazers 86 a 83. Shareef Abdur-Rahim make 3 pwen nan dènye sekond tan reglemantè pou pèmèt Lakers yo ranpòte la viktwa. Indiana Pacers te bezwen pwolongasyon pou l kale Miami Heat 93 a 91.

NBA TRADE

Philadelphia 76ers anonse yo gen sèvis Chris Webber, Matt Barnes ak Michael Bradley nan yon boukantay jwè yo fè ak Sakramento Kings ki li menm resevwa Corliss Williamson, Kenny Thomas ak Brian Skinner.

Tennis

Jwè tenis Jorjyen Irakli Labadze konvoke pou l parèt nan tribunal pou l reponn ak akuzasyon ki ta fè konpran li ta fè ekspre pèdu yon match tenis ane pase devan jwè Otrichyen Julian Knowle 7-5, 4-6, 6-2. Yon konpayi ki abitye parye lajan refuze peye 23 mil dola akoz yo di 2 jwè te pale youn ak lòt avan dewoulman match la-donk sanble se yon konplo.

Jwè tenis Ekwatoryen Giovanni Lapentti ak tonbe devan Jorjyen Irakli Labadze nan 2 zièm tou tounwa tenis kap dewoule nan Scottsdale nan Arizona 6-4, 6-4. Ostralyen Wayne Arthurs kalifye apre li elimine ameriken Justin Gimelstob 6-2, 6-7, 7-6.

Tchèk Jiri Novak ak arjanten Agustin Calleri ranpòte la viktwa nan tounwa tenis Open Meksik la.

XS
SM
MD
LG