Accessibility links

Breaking News

Otorite Ayisyen yo Re-Arete Yvon Neptune, Jocelerme Privert ak Anpil Lòt Prizonye ki te Sove


Ayiti: Pòt-Pawòl Polis Nasyonal la, Doktè Jessie Cameau Coicou, di Lavwadlamerik otorite yo rive mete men ankò sou ansyen Premye-Minis Yvon Neptune, ansyen Minis Enteryè Jocelerme Privert, ak anpil lòt prizonye ki te sove nan prizon santral kapital la.

Sepandan, sou plis pase 420 prizonye ki te chape poul yo nan jounen samdi 19 fevriye, anpil toujou nan lari. Gen sous ki fè konnen commando 15 nèg ame ki te anvayi prizon an pou koze evazyon an sanble te vle libere moun ki anba akizasyon pou trafik dwòg. Tout detay yo poko fin klè sou ensidan an, men responsab nan Polis la di y'ap kontinye chache sovadò yo.

Nan zak samdi a, yon gad nan prizon an, Romeus Pierre Robert, jwenn lanmò. Fanmi li te enkonsolab.

Koute detay nouvèl sa a, avèk lòt pwen ki nan aktyalite a nan Pòtoprens, avèk korespondan nou Renan F. Toussaint.

XS
SM
MD
LG