Accessibility links

Breaking News

Annan: Darfour Se Prèske Lanfè Sou Latè


Sa gen 10 lane, lemond te rete bra kwaze pandan yon demi-milyon moun nan peyi Rwanda t'ap viktim yon seri masak, yon jenosid, san yo pat komèt okenn mal. Moun ras Houtou t'ap masakre Toutsi e rebèl Toutsi t'ap tire revanj. Nan 100 jou sèlman, larivyè san an te anvayi tout nasyon afriken sa a.

Jounen jodi a, lemond ap fè deba sou yon lòt kriz: Darfour, yon pwovens ki nan rejyon Lwès peyi Soudan, kote milisyen arab yo rele Janjaweed yo, ak apui gouvènman Khartoum nan, gen dezan depi y'ap touye nwa afriken, pandan rebèl nan zòn nan ap vide moun atè tou mezi yo kapab. Ki sa kominote entènasyonal la ap fè? Kisa li dwe fè? Se pwen sa yo Sekretè-Jeneral L'ONU an, Kofi Annan [yon Afriken] te soulve lè li te parèt semèn sa a devan Konsèy Sekirite a.

Klike sou lyen ki anlè tèks sa a pou w ka tande repòtaj la ak deklarasyon msye Annan.

XS
SM
MD
LG