Selon responsab lapolis yo, militè demobilize yo ta touye 4 polisye sou wout ayewopò a ki sitiye a kèlke kilomèt o nò̈ kapital ayisyèn nan.
La polis ki di li gen bon jan prèv ki montre ansyen sòlda yo enplike nan lanmò polisye yo. Lapolis mennen yon operasyon kont ansyen sòlda yo sou wout frè a. Korespondan nou Rotchild François Junior ba nou detay sa yo depi vil Pòtoprens.
Sepandan, pòtpawòl ansyen sòlda yo, Remissainthe Ravix demanti ke yo mele nan asasina polisye yo. Li akize pòtpawòl la polis la kòm mantè e ke lapolis ap chèche detwi enstitisyon lap defann nan, sètadi lame.
Remissainthe Ravix fè deklarasyon sa yo nan yon entèvyou li bay kòlèg nou Jacquelin Belizaire.