Accessibility links

Spò Aktyalite 2/4/05


Match Amikal Entènasyonal

Trinidad and Tobago kale Ayiti 2 a 1 yè swa nan Trinidad nan 2 zièm match amikal entènasyonal avan Trinidadyen yo rankontre ak Etazuni Mèkredi pwochen nan ekzagonal final eliminatwa koup du mond Almay 2 mil 6 pou zòn KONKAKAFA la. Stern John ak ak Conell Glenn make gòl Trinidadyen yo. Turlien Romulus make bout gòl Ayiti a. Trinidadyen yo te ranpòte premye rankont la 1 a 0.

Nan lòt rankont entènasyonal Ejipt kale Kore du Sud 1 a 0. Kore du Sud gen pou rankontre Mèkredi ak Koweit nan dènye faz eliminatwa koup du mond Almay 2006 la pou zòn Azyatik la.

FIFA/ Afrique

Federasyon Football Entènasyonal anonse entansyonn pou l enspekte plizyè stad football sou kontinan Afriken an apre yon seri de ensidan ki rive pandan dewoulman match kalifikatif koup du mond. Otorite yo anonse yo pral enspekte stad Republik Demokratik Kongo Samdi ak Kameroun Dimanch. Nan fen mwa a delegasyon an ap mete tèt pou Mali ak Senegal san bliye lòt stad. Anviwon 200 moun mouri nan deblozaj ki pete nan okazyon match football an Afrik.

UEFA / Football

Unyon Football Europeyen an deside tout klub kap patisipe nan konpetisyon sou kontinan an dwe genyen sou teren an 2 jwè lokal pou pipiti a pati de 2 mil 6. Chif sa a ap pase a 4 an 2 mil 8. Desizyon ki kapab afekte klub tankou Real Madrid, Manchester United

NBA / All Stars

Basketè chinwa Yao Ming kap jwe nan Houston Rokets resevwa yon total 2 mil 560 mil vot pou-l patisipe nan 54 trièm edisyon rankont tout vedèt NBA a kap dewoule nan Denver Kolorado mwa sa a. Yao Ming ranpòte anviwon 107 mil vwa an plis de Michael Jordan te resevwa lè l tap jwe nan Chikago Bulls. Shaquille O’Neal resevwa 2 milyon 490 mil vwa nan konferans de Lès la. Jwè kap debute rankont la nan Konferans de Lès la nou jwen Shaquille O’Neal nan Miami Heat, Lebron James pou Cleveland Cavaliers, Vince Carter New Jersey Nets, Grant Hill nan Orlando Majik epi Allen Iverson Philadelphia 76èrs. Nan Konferans de Lwès-la gen Kobe Bryant, kap jwe nan Los Anjeles Lakers, Tracy McGrady kap jwe nan Houston Rockets, Kevin Garnet ki soti nan Minnesota epi Tim Duncan kap jwe nan San Antonio Spurs.

NBA

Shaquille O’Neal make 26 pwen epi trape balon an 12 fwa nan viktwa 100 a 88 Miami Heat ranpòte devan Cleveland Cavaliers. Nan Memphis, Los Anjeles Clippers ranpòte yon viktwa tou mens devan Memphis Grizzlies 106 a 103. San Antonio Spurs danse sou Los Anjeles Lakers 103 a 91 pou amelyore pèfòmans yo ak 38 viktwa 10 defèt.

Milan / Tennis

Woumen Andrei Pavel ak Kwat Mario Ancic elimine nan tounwa tenis an sal Milan.

XS
SM
MD
LG